ہاکی انڈیا نے ایشین چیمپئن ٹرافی پنجاب ۲۰۲۶ء کے لیے ہندوستانی مردوں کی ٹیم کا منگل کو اعلان کردیا۔ ٹورنامنٹ ۲۷؍ اکتوبر سے ۵؍ نومبر تک جالندھر اور موہالی میں کھیلا جائے گا۔

ہاکی انڈیا نے ایشین چیمپئن ٹرافی پنجاب ۲۰۲۶ء کے لیے ہندوستانی مردوں کی ٹیم کا منگل کو اعلان کردیا۔ ٹورنامنٹ ۲۷؍ اکتوبر سے ۵؍ نومبر تک جالندھر اور موہالی میں کھیلا جائے گا۔کپتان ہرمن پریت سنگھ ٹیم کی قیادت کریں گے۔ انہوں نے جاپان میں منعقدہ ایشین گیمز میں ہندوستان کو تاریخی طلائی تمغہ دلایا تھا، جہاں ہندوستان نے پہلی بار اپنے براعظمی خطاب کا کامیابی سے دفاع کیا۔ ایشین گیمز میں کامیابی حاصل کرنے والی ٹیم کے اہم کھلاڑیوں کو برقرار رکھا گیا ہے تاکہ گھریلو میدان پر ایشیا کی سرکردہ ہاکی ٹیموں کا سامنا کرتے ہوئے ٹیم میں تسلسل برقرار رہے۔گول کیپر کرشن بہادر پاٹھک کی ٹیم میں واپسی ہوئی ہے، جبکہ نوجوان دفاعی کھلاڑی امن دیپ لاکرا اور مڈفیلڈر آدتیہ ارجن لالاجے کو سینئر ٹیم میں اپنی جگہ مضبوط کرنے کا ایک اور موقع ملا ہے۔ ۱۸؍ رکنی پلیئنگ اسکواڈ کے علاوہ مڈفیلڈر وشنو کانت سنگھ اور فارورڈ انگد بیر سنگھ کو ریزرو کھلاڑیوں کے طور پر منتخب کیا گیا ہے۔چیف کوچ کریگ فلٹن نے کہا’’پنجاب میں ایشین چیمپئن ٹرافی کھیلنا خاص ہوگا۔ اس ٹیم میں نوجوان جوش اور تجربے کا امتزاج ہے اور ہم گھریلو شائقین کے جوش و خروش سے فائدہ اٹھانے کے لیے بے تاب ہیں۔ ہندوستان میں ٹورنامنٹ کھیلنے کا تجربہ ہی کچھ اور ہوتا ہے، اور ہمیں اپنے ملک میں کھیلنے کی بہت کمی محسوس ہوئی ہے۔‘‘ یہ ٹورنامنٹ پنجاب میں بین الاقوامی ہاکی کی واپسی کے باعث خاص اہمیت رکھتا ہے۔ پنجاب نے ہندوستانی ہاکی میں نمایاں کردار ادا کیا ہے اور کئی نسلوں تک شاندار کھلاڑی فراہم کیے ہیں۔ جالندھر اور موہالی میں ہونے والے مقابلوں کے ذریعے ایشیا کے بہترین ہاکی کھلاڑیوں کو اس خطے میں کھیلنے کا موقع ملے گا، جس کا اس کھیل سے گہرا تعلق ہے۔

After creating history at the Asian Games in Japan, Team India is ready to return to the pitch. 🔥🇮🇳 Meet the Indian Men’s Hockey squad for the Hero Asian Champions Trophy Punjab 2026. 🏑 Besides the 18-member playing squad, the two reserve players will be Vishnu Kant Singh and Angad Bir Singh. 🗓️ Oct 27 to Nov 5 📍 Jalandhar & Mohali (Punjab, India) Check out the full schedule -> https://t.co/fq79cw5DQJ #HockeyIndia #IndiaKaGame #HeroACT2026

— Hockey India (@TheHockeyIndia) October 13, 2026

یہ بھی پڑھئے:ٹام کروز کی فلم’ ’ڈیگر‘‘ باکس آفس پر ناکام، وارنر برادرز کو زبردست نقصان کا خدشہ

خطاب کا دفاع کرنے والی ہندوستانی ٹیم ایشین چیمپئن ٹرافی میں اپنے شاندار ریکارڈ کو مزید بہتر بنانے کی کوشش کرے گی۔ ہندوستان اب تک پانچ مرتبہ یہ خطاب جیت چکا ہے اور ٹورنامنٹ کی سب سے کامیاب ٹیم ہے۔ مقابلے کا آغاز جالندھر سے ہوگا، جہاں اولمپین سریجیت سنگھ ہاکی اسٹیڈیم میں ۲۷؍ اکتوبر سے ۲؍نومبر ۲۰۲۶ءتک افتتاحی تقریب اور لیگ مرحلے کے تمام میچ کھیلے جائیں گے۔ اس کے بعد ٹورنامنٹ کے اہم مرحلے کے مقابلے موہالی میں ہوں گے، جہاں۴؍ نومبر کو سیمی فائنل اور ۵؍ نومبر کو اولمپین بلبیر سنگھ سینئر انٹرنیشنل ہاکی اسٹیڈیم میں تمغوں کے لیے مقابلے کھیلے جائیں گے۔

یہ بھی پڑھئے:مائیکل جارڈن کی جرسی ۱۴؍ ملین ڈالر میں نیلام

گھریلو شائقین کی جانب سے زبردست حمایت کی امید کے ساتھ ہندوستانی ٹیم یادگار کارکردگی پیش کرنے اور پنجاب میں بین الاقوامی ہاکی کی واپسی کو ریاست کی شاندار ہاکی وراثت کے جشن میں تبدیل کرنے کی کوشش کرے گی۔ ہندوستانی مردوں کی ٹیم: گول کیپر: سورج کرکیرا، کرشن بہادر پاٹھک۔دفاعی کھلاڑی: سنجے، ہرمن پریت سنگھ (کپتان)، امیت روہیداس، جگراج سنگھ، جرمن پریت سنگھ، امن دیپ لاکرا۔مڈفیلڈر: راجندر سنگھ، آدتیہ ارجن لالاجے، نیل کانتا شرما، ہاردک سنگھ، من پریت سنگھ۔فارورڈ: شیلانند لاکرا، ابھیشیک، سکھ جیت سنگھ، دل پریت سنگھ، مندیپ سنگھ۔ریزرو کھلاڑی: وشنو کانت سنگھ، انگد بیر سنگھ۔