پاکستان کرکٹ ٹیم کے کپتان بابر اعظم اور برطانیہ کے بادشاہ کنگ چارلس سوم کے درمیان ملاقات کی ایک مختصر مگر دلچسپ ویڈیو سوشل میڈیا پر تیزی سے وائرل ہو رہی ہے۔ یہ ملاقات لندن کے کلینرس ہاؤس میں ہوئی، جہاں پاکستانی ٹیم نے بادشاہ سے ملاقات کے دوران انہیں ایک خصوصی تحفہ پیش کیا۔

پاکستان کرکٹ ٹیم کے کپتان  بابر اعظم  اور برطانیہ کے بادشاہ کنگ چارلس سوم  کے درمیان ملاقات کی ایک مختصر مگر دلچسپ ویڈیو سوشل میڈیا پر تیزی سے وائرل ہو رہی ہے۔ یہ ملاقات لندن کے کلینرس ہاؤس  میں ہوئی، جہاں پاکستانی ٹیم نے بادشاہ سے ملاقات کے دوران انہیں ایک خصوصی تحفہ پیش کیا۔ 

King Charles was gifted a signed bat by Pakistan`s national cricket team, during their visit to Clarence House in London today. pic.twitter.com/8CCUGiLx4S

— Test Match Special (@bbctms) September 2, 2026

ملاقات کے دوران بابر اعظم نے کنگ چارلس کو ایک خصوصی کرکٹ بیٹ  پیش کیا، جس پر پاکستان کرکٹ ٹیم کے تمام کھلاڑیوں کے دستخط موجود تھے۔ یہ تحفہ پاکستانی اسکواڈ کی جانب سے بادشاہ کے لیے پیش کیا گیا۔کنگ چارلس نے تحفہ وصول کرنے کے بعد بیٹ کے بارے میں دلچسپی ظاہر کرتے ہوئے پوچھا کہ  کیا یہ بیٹ پاکستان میں بنایا گیا ہے؟  اسی سوال پر بابر اعظم اور کنگ چارلس کے درمیان مختصر اور دوستانہ گفتگو ہوئی۔ 

یہ بھی پڑھئے:ہدایتکار پریہ درشن نے کامیڈی فلمیں بنانے سے بیزاری کا اظہار کردیا

وائرل ویڈیو میں بابر اعظم کو کنگ چارلس کو بتاتے ہوئے سنا جا سکتا ہے کہ یہ تحفہ صرف ان کی جانب سے نہیں بلکہ  پاکستانی ٹیم کے تمام کھلاڑیوں کی طرف سے  ہے۔ اسی مختصر جملے’’It`s from all players‘‘ نے سوشل میڈیا صارفین کی توجہ حاصل کی۔ اس موقع پر کنگ چارلس نے بیٹ کو غور سے دیکھا اور پاکستانی کھلاڑیوں کی جانب سے دیے گئے اس تحفے پر خوشی کا اظہار کیا۔
 بابر اعظم کے ساتھ پاکستان کرکٹ ٹیم کے دیگر کھلاڑی اور  پاکستان کرکٹ بورڈ (پی سی بی ) کے چیئرمین محسن نقوی  بھی  ہاؤس  پہنچے تھے۔ محسن نقوی اور کنگ چارلس نے بھی مصافحہ کیا اور کچھ دیر گفتگو کی۔ یہ ملاقات ایسے وقت میں ہوئی ہے جب پاکستان ٹیم انگلینڈ کے خلاف ٹیسٹ سیریز میں مشکلات کا شکار ہے۔  پاکستان اور انگلینڈ کے درمیان تین ٹیسٹ میچوں کی سیریز میں پاکستان پہلے دو میچ ہار چکا ہے، جس کے نتیجے میں انگلینڈ نے سیریز اپنے نام کرلی ہے۔
پاکستان کی بیٹنگ خاص طور پر تشویش کا باعث  ہے۔ سیریز کی اب تک کھیلی گئی چار اننگز میں پاکستان کا سب سے بڑا اسکور ۱۹۴؍ رنز  رہا اور ٹیم کسی بھی اننگز میں ۲۰۰؍ رنز کا ہندسہ عبور نہیں کرسکی۔ ان نتائج کے بعد پاکستان کرکٹ بورڈ نے اسکواڈ میں بھی تبدیلیاں کی ہیں اور متعدد کھلاڑیوں کو واپس پاکستان بھیجا گیا ہے، جبکہ نئے کھلاڑیوں کو انگلینڈ بھیجا گیا ہے۔

یہ بھی پڑھئے:جیمے فاریہ کو شکست دے کر الکاراز یو ایس اوپن کے تیسرے راؤنڈ میں

پاکستان اور انگلینڈ کے درمیان سیریز کا  تیسرا اور آخری ٹیسٹ ۹؍ ستمبر  ۲۰۲۶ء کو برمنگھم میں شروع ہوگا۔ پاکستانی ٹیم کی کوشش ہوگی کہ آخری میچ جیت کر سیریز کا اختتام بہتر انداز میں کرے۔ بابر اعظم اور کنگ چارلس کی ملاقات کی ویڈیو نے کرکٹ اور شاہی خاندان کے مداحوں کی خاصی توجہ حاصل کی ہے۔ پاکستانی ٹیم کی جانب سے تمام کھلاڑیوں کے دستخط والا بیٹ پیش کرنا دونوں ممالک کے درمیان کرکٹ تعلقات اور کھیلوں کے ذریعے سفارتی رابطے کی ایک خوبصورت مثال کے طور پر دیکھا جا رہا ہے۔