اس موسم میں برڈ فلو کی وباء کے درمیان ایک کروڑ سے زائد مرغیوں کوتلف کیاجاچکا ہے

 جاپان کے چیبا پریفیکچر علاقے میں برڈ فلو کی نئی وبا ءکے پیش نظر مقامی انتظامیہ نے مزید ایک لاکھ ۴۰؍ مرغیوں کو مارنے کا فیصلہ کیا ہے۔ 
 میڈیارپورٹس کے مطابق مقامی انتظامیہ نے اتوار کو جاری کردہ ایک بیان میں کہا ،’’ خیال کیا جاتا ہے کہ برڈ فلو کی وباء سوسا شہر کے ایک پولٹری فارم سے شروع ہوئی تھی۔ جینیاتی تجزیہ سے ایویئن انفلوئنزا کے اعلیٰ پیتھوجینک ہونے کی تصدیق ہوئی ہے۔‘‘ اسی کے پیش نظر حکام نے فارم کے۳؍ کلومیٹر کے اندر مرغیوں اور انڈوں کی نقل و حمل پر پابندی عائد کر دی ہے۔
  یادرہےکہ جاپان میں گزشتہ سال ایویئن انفلوئنزا کا پہلا معاملہ سامنے آنے کے بعد سے اب تک اس موسم میں برڈ فلو کی وباء کے درمیان ایک کروڑ سے زائد مرغیوں کوتلف کیاجاچکا ہے۔
  قبل ازیں جاپان کی وزارت زراعت جنگلات و ماہی پروری نے  بتایا کہ  یکم جنوری کو  ٹوکیو کے شمال مشرقی پریفیکچر  کے قصبہ سیروساتو کے ایک پولٹری فارم میں برڈ فلو کے پھیلنے کی تصدیق ہوئی  تھی ۔ اس کے بعد سے فارم میں موجود تقریباً۹؍ لاکھ۳۰؍ ہزار مرغیوں کو تلف  کیا گیا تھا۔
  وزارت زراعت جنگلات و ماہی پروری  نے مزید بتایا کہ جاپان کی صورتحال کے تحت متاثر مرغیوں کا گوشت یا انڈا کھانا خطر ے سے خالی نہیں ہے۔ ایسے میں  مقامی اور شہری  انتظامیہ کی جانب سے سخت ہدایات جاری کی گئی ہیں ۔