مرکزی وزیر کرن رجیجو نے ایک پریس کانفرنس میں کانگریس اور اس کے اتحادیوں کو نشانہ بناتے ہوئے کہا کہ انہوں نے ہر جگہ بدعنوانی کی بیماری پھیلا دی ہے جس کیلئے نہ صرف حکومت بلکہ لوگوں کو بھی تحریک شروع کرنی ہوگی۔ کانگریس کی بدعنوانی کی دکان بند ہونی چاہئے اور اس کے خلاف سخت کارروائیاں کی جا رہی ہیں۔ بدعنوانی کے خلاف کارروائی کرنا وزیر اعظم مودی کی گارنٹی ہے۔

بی جے پی نے کانگریس اور اس کے اتحادیوں کو نشانہ بناتے ہوئے کہا کہ انہوں نے ہر جگہ بد عنوانی کی بیماری پھیلا دی ہےجس کیلئے نہ صرف حکومت بلکہ لوگوں کوبھی تحریک شروع کر نی ہو گی۔ایک پریس کانفرنس کے دوران مرکزی وزیر کرن رجیجو نے کانگریس اور اس کے اتحادیوں، بشمول آر جے ڈی ، ٹی ایم سی اور ڈی ایم کے ، کے خلاف مختلف بد عنوانی اوراسکیم کے مبینہ معاملات درج کئے۔ انہوں نے کانگریس پر تنقید کرتے ہوئے کہا کہ کانگریس کی بدعنوانی کی دکان بند ہونی چاہئے اور اس کے خلاف سخت کارروائی کی جا رہی ہے۔وزیر اعظم نریندر مودی کی گارنٹی ہے کہ بد عنوانی کے خلاف کارروائی کی جائے گی۔مرکزی تفتیشی ایجنسیوں کو بدعنوانی کے خلاف کارروائی کرنے کیلئے کھلی چھوٹ دی گئی ہے۔یہ لوگ رکنے والے نہیں ہیں۔ جھارکنڈ میں کانگریس کے راجیہ سبھا ایم پی دھیرج پرساد ساہو سے منسلک کشیدہ گاہ سے انکم ٹیکس ڈپارٹمنٹ کےبڑی تعداد میں نقد رقم بازیاب کرنے کے بعد بی جے پی نے بدعنوانی کے خلاف اپنی کارروائی بڑھا دی ہے۔