ادیشہ میں کانگریس کے رکن راہل گاندھی نے وزیر اعظم نریندر مودی کے متعلق بیان دیا تھا کہ مودی جی پیدائشی او بی سی نہیں ہیں۔ اس کے بعد مہاراشٹر کے لاتور میں بی جے پی نے راہل کے خلاف احتجاج کیا۔ اس قسم کے مظاہرے ملک کے مختلف شہروں میں ہوئے جن میں جموں، ناگپور اور تھانے قابل ذکر ہیں۔

بھارتیہ جنتا پارٹی (بی جے پی) کے یوتھ ونگ کے ارکان نے جمعہ کو مرکزی مہاراشٹر کے ضلع لاتور میں راہل گاندھی کے اس بیان کے خلاف احتجاج کیا جس میں انہوں نے نریندر مودی کے دیگر پسماندہ طبقہ (او بی سی) سے تعلق رکھنے کے دعویٰ پر سوال اٹھائے تھے۔ 
بی جے پی کے یوتھ ونگ کے ارکان بڑی تعداد میں لاتور شہر کے مہاتما گاندھی چوک پر جمع ہو گئے اور راہل کے پتلےکو اپنے غصہ کانشانہ بنایا۔ راہل گاندھی جو منی پور سے ممبئی تک کی بھارت جوڑو نیائے یاترا پر ہیں، جمعرات کو اپنے ایک بیان کے ذریعے تنازع پیدا کر دیا، اس میں انہوں نے کہا کہ مودی کی پیدائش جنرل کاسٹ سے تعلق رکھنے والے خاندان میں ہوئی تھی نہ کہ او بی سی میں۔ 
راہل نے ادیشہ میں اس بات پر زور دیا کہ ’’مودی جی یہ کہہ کر کہ وہ او بی سی ہیں، عوام کو گمراہ کر رہے ہیں۔ وہ گھانچی خاندان میں پیدا ہوئے جسے ۲۰۰۰ء میں گجرات حکومت کے ذریعے او بی سی زمرے میں شامل کیا گیا۔ انہوں نے اپنی ذات کو گجرات کا وزیر اعلیٰ بننے کے بعد تبدیل کر کے او بی سی کیا لہٰذا مودی جی پیدائشی او بی سی نہیں ہیں۔ ‘‘

Modi was never born in a OBC community, his community was declared as OBC BJP Govt- Rahul Gandhi questions Modi’s OBC comment in Parliament! pic.twitter.com/FI7o2lGzl6

— Vijay Thottathil (@vijaythottathil) February 8, 2024

راہل گاندھی کے اس بیان کے بعد بی جے پی ارکان کی جانب سے شدید غصے کا اظہار کیا گیا ہے۔

جموں میں بی جے پی اراکین راہل گاندھی کے خلاف احتجاج کرتے ہوئے۔ تصویر: پی ٹی آئی

تھانے میں بی جے پی اراکین راہل گاندھی کے خلاف احتجاج کرتے ہوئے۔ تصویر: پی ٹی آئی