گزشتہ روزعروس البلاد کے انجینئرنگ مارویل کوسٹل روڈ پر وزیر اعلیٰ فرنویس نے میوزیکل روڈ کا افتتاح کیا تھا۔ محض ۲۴؍ گھنٹوں میں یہ روڈ اتنا مشہور ہوگیا کہ یہاں سے گزرتے ہوئے بیشتر ڈرائیورس اس کا لطف لے رہے ہیں۔

گزشتہ روزعروس البلاد کے انجینئرنگ مارویل کوسٹل روڈ پر وزیر اعلیٰ فرنویس نے میوزیکل روڈ کا افتتاح کیا تھا۔ محض ۲۴؍ گھنٹوں میں یہ روڈ اتنا مشہور ہوگیا کہ یہاں سے گزرتے ہوئے بیشتر ڈرائیورس اس کا لطف لے رہے ہیں۔ چونکہ ہنگری کی ٹیکنالوجی سے اسے یہاں نصب کیا گیا ہے اس لئے اس کے تعلق سے تجسس بھی بہت زیادہ ہے۔ بہت سے ڈرائیور یہاں گاڑی کی رفتار تھوڑی دھیمی کرکے بھی جے ہو گانے کا لطف لیتے ہوئے گزر ہے ہیں۔ واضح رہے کہ میوزیکل روڈ یا میلوڈی روڈ کا خیال نیا نہیں ہے اور نہ یہ تجربہ بہت نیا ہے لیکن اس سے ڈرائیوروں کیلئےسڑک پربورنگ سفر بھی پُرلطف بن جاتا ہے۔

یہ بھی پڑھئے: ٹرین مسافروں کا قیمتی سامان لوٹنے والی ’پھٹکاگینگ‘ کوپکڑنے کیلئے ریلوے پولیس کوشاں

اس سے قبل ایسے تجربات یورپ کے کئی ممالک میں جن ہنگری بھی شامل ہے ہو چکے ہیں۔ اس کے علاوہ متحدہ عرب امارات، جنوبی کوریا اور جاپان میں بھی ایسے ہی روڈ ہیں جہاں پر گاڑی گزرنے پر موسیقی یا کوئی مشہور نغمہ سنائی دیتا ہے۔ جاپان میں خاص طور پر اس کے ساحلی علاقوں ہکائیڈو اور گنما کے متعدد روڈس اسی ٹیکنالوجی سے لیس ہیں جہاں پر گاڑی کے ڈرائیورس کو مقامی زبان کا کوئی نہ کوئی گیت سننے کو ملتا ہے۔