ملک کے سرکردہ شیئر بازار نیشنل اسٹاک ایکسچینج آف انڈیا (این ایس ای) نے جون میں سرمایہ کاروں کے کھاتوں کی تعداد ۲۶؍ کروڑ روپے تک پہنچانے کا سنگِ میل عبور کر لیا ہے۔

ملک کے سرکردہ شیئر بازار نیشنل اسٹاک ایکسچینج آف انڈیا (این ایس ای) نے جون میں سرمایہ کاروں کے کھاتوں کی تعداد ۲۶؍ کروڑ روپے تک پہنچانے کا سنگِ میل عبور کر لیا ہے۔ این ایس ای نے اتوار کو جاری کردہ ایک پریس ریلیز میں بتایا کہ ایکسچینج پر منفرد (یونیک) ٹریڈنگ کھاتوں کی تعداد ۲۶؍ کروڑ روپے سے زیادہ ہو گئی ہے۔ قابلِ ذکر بات یہ ہے کہ ۲۵؍ کروڑ سے ۲۶؍ کروڑ کھاتوں تک پہنچنے میں چار ماہ سے بھی کم وقت لگا، جو سرمایہ کاروں کی مسلسل بڑھتی ہوئی شمولیت کی عکاسی کرتا ہے۔ گزشتہ ایک سال کے دوران ہی ۳ء۴؍ کروڑ سے زائد نئے سرمایہ کار کھاتے این ایس ای سے منسلک ہوئے، جو مجموعی کھاتوں کا تقریباً ۱۷؍ فیصد بنتے ہیں۔
۳۱؍ مئی تک این ایس ای میں رجسٹرڈ منفرد سرمایہ کاروں کی تعداد ۱ء۱۳؍ کروڑ سے زیادہ تھی۔ ٹریڈنگ کھاتوں کی تعداد منفرد سرمایہ کاروں سے زیادہ ہونے کی وجہ یہ ہے کہ ایک سرمایہ کار مختلف بروکرس کے ذریعے متعدد ٹریڈنگ اکاؤنٹس رکھ سکتا ہے۔ اپریل ۲۰۲۶ء میں منفرد سرمایہ کاروں کی تعداد ۱۳؍ کروڑ سے تجاوز کر گئی تھی۔ سرمایہ کار کھاتوں کے لحاظ سے مہاراشٹر ۴ء۴؍ کروڑ کھاتوں کے ساتھ پہلے نمبر پر ہے، جو کل کھاتوں کا تقریباً ۱۷؍ فیصد ہے۔ اس کے بعد اترپردیش تقریباً ۳؍ کروڑ (۱۱؍ فیصد)، گجرات ۲ء۲؍ کروڑ (۶ء۸؍فیصد)، مغربی بنگال۵ء۱؍ کروڑ (۹ء۵؍ فیصد) اور راجستھان ۵ء۱؍ کروڑ (۸ء۵؍ فیصد) کھاتوں کے ساتھ نمایاں ریاستیں ہیں۔ یہ پانچ ریاستیں مل کر ملک کے تقریباً ۴۹؍ فیصد سرمایہ کار کھاتوں کی نمائندگی کرتی ہیں۔ اس کے علاوہ شمال مشرقی ہندوستان کی بعض ریاستوں میں بھی سرمایہ کار کھاتوں کی تعداد میں نمایاں اضافہ دیکھا گیا ہے۔
ٹریڈنگ کھاتوں میں تیز رفتار اضافے کی ایک اہم وجہ ڈجیٹلائزیشن ہے۔ موبائل ٹریڈنگ پلیٹ فارمز کا استعمال تیزی سے بڑھا ہے اور اب نقد مارکیٹ کے مجموعی کاروبار کا پانچواں حصہ سے بھی زیادہ موبائل ٹریڈنگ کے ذریعے انجام پاتا ہے۔

یہ بھی پڑھئے:رونالڈو، میسی، صلاح اور نیمار اپنے آخری ورلڈ کپ کو یادگار بنانے کی کوشش کریں گے

این ایس ای کے چیف بزنس ڈیولپمنٹ آفیسر سری رام کرشنم نے۲۶؍ کروڑ سرمایہ کار کھاتوں کے سنگِ میل کو ہندوستانی سرمایہ بازاروں میں سرمایہ کاروں کی بڑھتی ہوئی شرکت کا اہم اشارہ قرار دیا۔ انہوں نے کہا کہ عالمی جغرافیائی سیاسی غیر یقینی صورتحال کے باوجود چار ماہ سے کم عرصے میں ایک کروڑ نئے کھاتوں کا اضافہ سرمایہ کاروں کے اعتماد کی عکاسی کرتا ہے۔

یہ بھی پڑھئے:’میڈ ان انڈیا: اے ٹائٹن اسٹوری‘ ایک برانڈ کی نہیں لگن اور محنت کی کہانی ہے

انہوں نے مزید کہا کہ موبائل ٹریڈنگ، آسان کے وائی سی (کے وائی سی) عمل اور سرمایہ کاروں میں بیداری پیدا کرنے والی مہمات نے اس ترقی میں اہم کردار ادا کیا ہے۔شری رام کرشنم کے مطابق سرمایہ کاری اب صرف بڑے شہروں تک محدود نہیں رہی بلکہ ٹئیر۲، ٹئیر۳ اور ٹئیر۴؍ شہروں تک بھی پھیل چکی ہے۔ سرمایہ کار اب ایکویٹی، ای ٹی ایف، ریئٹ (آر ای آئی ٹی)، انوِٹ (آئی اینی وی آئی ٹی)، سرکاری بانڈز اور کارپوریٹ بانڈز جیسے مختلف ایکسچینج میں ٹریڈ ہونے والے مالیاتی آلات میں سرمایہ کاری کر رہے ہیں۔ حال ہی میں متعارف کرائی گئی الیکٹرانک گولڈ رسید نے بھی مارکیٹ تک رسائی کو مزید وسیع بنا دیا ہے۔