قومی دارالحکومت دہلی میں تیزی سے بڑھتی فضائی آلودگی کے بحران پر انڈیا اتحاد کے اراکینِ پارلیمنٹ نے جمعرات کو پارلیمنٹ ہاؤس کے مکر دوار کے سامنے احتجاج کیا اور حکومت سے اس مسئلے پر ایوان میں تفصیلی بحث کرانے کا مطالبہ کیا۔

قومی دارالحکومت دہلی میں تیزی سے بڑھتی فضائی آلودگی کے بحران پر انڈیا اتحاد کے اراکینِ پارلیمنٹ نے جمعرات کو پارلیمنٹ ہاؤس کے مکر دوار کے سامنے احتجاج کیا اور حکومت سے اس مسئلے پر ایوان میں تفصیلی بحث کرانے کا مطالبہ کیا۔
احتجاج میں کانگریس پارلیمانی پارٹی کی لیڈر سونیا گاندھی، راجیہ سبھا میں قائدِ حزبِ اختلاف ملکاارجن کھرگے،  پرینکا گاندھی واڈرا ، ڈی ایم کے کے ٹی آر بالو  این سی پی کی سپریا سولے سمیت کئی اراکینِ پارلیمنٹ نے حصہ لیا۔ سیاست دان ہاتھوں میں بینر اور تختیاں اٹھائے ہوئے تھے، جن میں سے ایک بینر پر لکھا تھا:’’سم کا مزہ لیں‘‘ - یہ جملہ وزیرِ اعظم نریندر مودی نے چند روز قبل کہا تھا۔
اراکینِ پارلیمنٹ نعرے لگاتے ہوئے حکومت سے مطالبہ کر رہے تھے کہ پارلیمنٹ کے سرمائی اجلاس میں فضائی آلودگی کے مسئلے پر فوری بحث کرائی جائے۔ اپوزیشن اس موضوع کو کئی بار ایوان میں اٹھانے کی کوشش کر چکی ہے اور اس سلسلے میں مسلسل  تحریک التوا بھی لوک سبھا اسپیکر کو دے رہی ہے۔بعد ازاں سونیا گاندھی نے کہاکہ ’’بچے سانس نہیں لے پا رہے ہیں۔ ہم جیسے بزرگوں کو بھی سانس لینے میں دشواری ہو رہی ہے۔ 
پرینکا گاندھی واڈرا نے کہا کہ  ’’کس موسم کا لطف لیں؟  باہر کی حالت دیکھئے۔ ہر سال حالات بدتر ہوتے جا رہے ہیں۔ ہر سال صرف بیانات دیئے جاتے ہیں، کوئی ٹھوس قدم نہیں اٹھایا جاتا۔ حکومت کو عملی کارروائی کرنی ہوگی اور ہم سب اس میں تعاون کرنے کو تیار ہیں۔ یہ کوئی سیاسی مسئلہ نہیں کہ ایک دوسرے پر انگلی اٹھائی جائے۔‘‘ سونیا گاندھی نے آلودگی کے بحران پر بدھ کو اخبار میں ایک مضمون بھی لکھا تھا، جس میں حکومت کی کانکنی کی اجازت دینے والی پالیسی پر تنقید کی گئی تھی۔لوک سبھا میں قائدِ حزبِ اختلاف راہل گاندھی بھی کئی دنوں سے اس مسئلے پر سوشل میڈیا پر سرگرم ہیں۔

یہ بھی پڑھئے:اکشے کمار کی بھانجی سمرفلم’ اکیس‘ سے بالی ووڈ میں قدم رکھیں گی

راجیہ سبھا میں ممبران پارلیمنٹ نے آلودگی کا مسئلہ اٹھایا
 راجیہ سبھا میں جمعرات کو کئی اراکین   نے آلودگی کا مسئلہ اٹھایا اور قومی دارالحکومت اور آس پاس کے شہروں میں فضائی آلودگی کی بلند سطح پر تشویش کا اظہار کیا۔ ادیشہ سے بیجو جنتا دل کی رکن پارلیمنٹ سلتا دیو نے کہا کہ دہلی میں آلودگی کی سطح اس حد تک بڑھ گئی ہے کہ یہاں لوگوں کی صحت کو خطرہ پیداہوگیا ہے۔ انہوں نے کہا کہ حکمراں پارٹیوں نے لوک سبھا انتخابات کے دوران ۴۰۰؍پار کا جو نعرہ دیاتھا وہ دہلی میں کامیاب ہوگیا ہے، یہاں ایئر کوالیٹی انڈیکس (اے کیوآئی) مسلسل۴۰۰؍ سے اوپر ہے۔ انہوں نے کہا کہ صنعت کاری اور ترقی اہم ہے، لیکن صنعتیں قائم کرنے کے لیے درختوں کو کاٹنا ضروری نہیں ہے۔

یہ بھی پڑھئے:جرمنی ویمنزیورو۲۰۲۹ء کی میزبانی کرے گا

انہوں نے کہا کہ سردیوں کے دوران دہلی میں پھیپھڑوں سے متعلق ادویات کی فروخت ملک کے دیگر شہروں کے مقابلے میں ۱۴؍ فیصد زیادہ ہے۔ اس سے ظاہر ہوتا ہے کہ یہاں آلودگی لوگوں کی صحت کو متاثر کر رہی ہے۔ چھوٹے بچے بھی دمے کے مرض میں مبتلا ہیں۔