میرا روڈ موبائل شاہین باغ احتجاج کےساتویں دن بدھ کوریلوے اسٹیشن کے پاس خواتین نے احتجاج کیا اوراس عزم کا اظہار کیا کہ وہ سیاہ قانون واپس لئےجانے تک احتجاج اور بیداری مہم جاری رکھیں گی۔
EPAPER
Updated: February 13, 2020, 11:54 AM IST | Saeed Ahmed Khan | Mira Road
میرا روڈ موبائل شاہین باغ احتجاج کےساتویں دن بدھ کوریلوے اسٹیشن کے پاس خواتین نے احتجاج کیا اوراس عزم کا اظہار کیا کہ وہ سیاہ قانون واپس لئےجانے تک احتجاج اور بیداری مہم جاری رکھیں گی۔
میرا روڈ : میرا روڈ موبائل شاہین باغ احتجاج کےساتویں دن بدھ کوریلوے اسٹیشن کے پاس خواتین نے احتجاج کیااوراس عزم کا اظہار کیا کہ وہ سیاہ قانون واپس لئےجانے تک احتجاج اور بیداری مہم جاری رکھیں گی۔ بدھ کو احتجاج کے دوران کم خواتین نظرآئیں ۔ اس تعلق سےخاتون مظاہرین نے نمائندۂ انقلاب کوبتایا کہ ایسا کم ہوتا ہے لیکن کسی سبب خواتین کی تعداد کم تھی اس کے باوجود احتجاج کیا گیا اور دیگر طریقے سے بھی بیداری مہم جاری ہے۔ اس کے ذریعہ یہ کوشش کی جارہی ہے کہ ایک ایک شخص اورہماری ماں بہنوں کوسی اے اے ،این پی آر اوراین آرسی کیا ہے ،یہ کتناخطرناک قانون ہے اور حکومت کس طرح سے جال میں پھانس کر غریبوں اور پسماندہ طبقات سے ان کے آئینی حقوق چھین لینا چاہتی ہے،اس سے انہیں واقف کرایا جائے ۔انہوں نے یہ بھی کہا کہ عورتوں کومنظم کیاجارہا ہے ا وربرادران وطن کی خواتین سے بھی مسلسل رابطہ قائم کیاجارہا ہے نیزاس مہم کا مثبت نتیجہ بھی نظر آرہا ہے ،یہ سلسلہ جاری رکھا جائے گا۔‘‘ مظاہرے کے دوران ایڈوکیٹ ثناء دیشمکھ ، وروشالی ، انور حسین ، مہ جبین شیخ اوراخترادریسی نے اظہارخیال کیا۔