گزشتہ شام اسپین کے شہر ویلنشیا میں ایک ۱۴؍ منزلہ عمارت میں آگ لگ گئی جس نے چند منٹوں میں بھیانک صورت اختیار کرلی۔ اسپینی حکام کے مطابق اب تک ۴؍ افراد کے ہلاک اور ۱۴؍ افراد کے لاپتہ ہونے کی اطلاعات ہیں۔ فائر بریگیڈ عملہ آگ پر قابو پاچکا ہے مگر عمارت کا اگلا حصہ اس قدر گرم ہے کہ اس میں داخلہ ممکن نہیں ہوسکا ہے۔

مشرقی اسپین کے شہر ویلنشیا میں ایک ۱۴؍ منزلہ عمارت میں بھیانک آتشزدگی میں کم ا ز کم ۴؍ افراد ہلاک اور کم از کم ۱۴؍ افراد کے لا پتہ ہونے کی اطلاع ہے۔ حکام نے خدشہ ظاہر کیا ہے کہ اس آتشزدگی میں ہلاک ہونے والوں کی تعدا د بڑھ سکتی ہے۔ 
ماہرین کے مطابق عمارت میں ۱۳۸؍ فلیٹ تھے، اور یہ عمارت انتہائی آتش گیر مادے کی چادر سےڈھکی ہوئی تھی، یہی وجہ ہے کہ شام تقریباً ۵؍ بج کر ۳۰؍ منٹ پر چوتھی منزل پر آگ لگنے کے بعد آگ تیزی سے پھیل گئی۔ 
بندرگاہ کے شہر کے پڑوس میں مغربی کمپانر علاقے میں واقع ایک بلند عمارت کو آگ کو شعلوں نے اپنی لپیٹ میں لے لیا تھا جس کے سبب عمارت سے دھوئیں کے سیاہ بادل اٹھنے کی ڈرامائی تصویر سامنے آئی۔ 
 ویلنشیا شہر کے ہنگامی سروس کےڈپٹی ڈائریکٹر جارج ساریز ٹوریس نے رات گئے نامہ نگاروں کو بتایا کہ ’’چار افراد جاں بحق ہوئے ہیں۔ ‘‘ 
مقامی منتظم پیلر برناب نے جمعہ کو کہا کہ ’’ ابھی تک ہمارے پاس ۱۴؍ افراد کی فہرست ہے جن کا کوئی سراغ نہیں ملا ہے۔ ‘‘انہوں نے مزید کہا کہ یہ تعداد وقت کے ساتھ تبدیل بھی ہو سکتی ہے۔ 

24 people are feared dead after an apartment complex caught fire in Valencia, Spain.

Some residents were forced to jump off their balconies to escape the inferno that engulfed the 14 floor high apartments.

pic.twitter.com/Ui9tHZwQdQ

— Oli London (@OliLondonTV) February 23, 2024

ویلنشیا کے صدر بلدیہ ماریہ جوز کٹالا نے کہا کہ ’’ پولیس اور پڑوسیوں سے ملے اعداد و شمارکے مطابق ۹؍ سے ۱۵؍ افرادلا پتہ ہیں ۔ ‘‘ سٹی ہال کےذرائع نے جمعرات کو کہا کہ ۱۹؍ افراد کا کوئی پتہ نہیں چل سکا ہے۔ 
مختلف قسم کے زخموں کے ۱۵؍ افراد کا علاج کیا گیا ہےجن میں ایک سات سالہ بچہ اور آگ بجھانے والے عملہ کے سات افراد بھی شامل ہیں۔ 
مقامی گورنر کارلوس میزون نے کہا کہ ’’۱۵؍ زخمیوں میں سےجمعہ تک چھ افراد اسپتال میں ہی تھے لیکن ان کی جان کو کوئی خطرہ نہیں ہے۔ ‘‘
حکام نے بتایا کہ آگ بجھانے کیلئے فائر فائٹر کی ۲۲؍ ٹیموں کو بلایا گیا ہے۔ 
ساریز ٹوریس نے کہا کہ آگ بجھانے والا عملہ ابھی تک عمارت میں داخل ہونے میں کامیاب نہیں ہو سکا ہے۔ وہ عمارت کے اگلے حصہ کو ٹھنڈا کرنے کی کوشش کر رہے ہیں۔ انہوں نے کہا کہ ’’ ابھی ہم یہ نہیں بتا سکتے کہ ہم کب تک اندر داخل ہونے میں کامیاب ہو سکیں گے۔ ‘‘