اداکارہ دپیکا پڈوکون سے این سی بی (نارکوٹکس کنٹرول بیورو) نے سشانت سنگھ راجپوت (ایس ایس آر) موت کی تحقیقات سے منسلک منشیات کے معاملے میں تقریباً چھ گھنٹے پوچھ تاچھ کی۔ وہ آج صبح ایولین گیسٹ ہاؤس، قلابہ (ممبئی) پہنچ گئی تھیں جہاں این سی بی کی خصوصی تحقیقاتی ٹیم نے ان سے پوچھ تاچھ کی۔ دپیکا کے علاوہ شردھا کپور اور سارہ علی خان کو بھی سمن جاری کیا گیا تھا۔اس معاملے میں شردھا کپور اور سارہ علی خان این سی بی کے بیلارڈ اسٹیٹ میں واقع دفتر پہنچی تھیں جہاں ان سے بھی سوالات کئے گئے۔

اداکارہ دپیکا پڈوکون سے این سی بی (نارکوٹکس کنٹرول بیورو) نے سشانت سنگھ راجپوت (ایس ایس آر) موت کی تحقیقات سے منسلک منشیات کے معاملے میں تقریباً چھ گھنٹے پوچھ تاچھ کی۔ وہ آج صبح ایولین گیسٹ ہاؤس، قلابہ (ممبئی) پہنچ گئی تھیں جہاں این سی بی کی خصوصی تحقیقاتی ٹیم نے ان سے پوچھ تاچھ کی۔ دپیکا کے علاوہ شردھا کپور اور سارہ علی خان کو بھی سمن جاری کیا گیا تھا۔اس معاملے میں شردھا کپور اور سارہ علی خان این  سی بی کے بیلارڈ اسٹیٹ میں واقع دفتر پہنچی تھیں جہاں ان سے بھی سوالات کئے گئے۔ذرائع کے مطابق جہاں دپیکا پڈوکون نے ۲۰۱۷ء میں ہونے والی ڈرگس چیٹ کے بارے میں قبول کیا وہیں شردھا اور سارہ نے کسی بھی قسم کی منشیات استعمال کرنے کی تردید کی۔ 

 دپیکا کی منیجر کرشمہ پرکاش ، جن سے جمعہ کو پوچھ تاچھ کی گئی تھی ، وہ آج دوسرے دن بھی این سی بی آفس پہنچیں تھیں۔ذرائع نے بتایا کہ گزشتہ دن کرشمہ کے ساتھ پوچھ تاچھ اداکار راکول پریت سنگھ کے مقابلے میں زیادہ دیر تک جاری رہی تھے ۔ ان سے تقریباً ۴؍ گھنٹے تک پوچھ تاچھ جاری رہی تھی۔این سی بی نے راکول پریت سنگھ اور کرشمہ پرکاش سے وہاٹس ایپ چیٹ کے مندرجات کے بارے میں سوالات کئے تھے جس میں مبینہ طور پر چرس کے استعمال کیلئے اس کی خریداری کی جانب اشارہ کیا گیا تھا ۔

 بالی ووڈ کے منشیات معالے کی تحقیقات کا آغاز اداکار ریا چکرورتی کے ساتھ اس وقت ہوا تھا جب ۱۴؍ جون کو سشانت سنگھ راجپوت کی لاش ممبئی میں واقع ان کے گھر میں ملی تھی۔ این سی بی کے ذرائع کا مطابق اس کا مقصد ڈرگس کے بڑے ڈیلروں تک پہنچنا ہے، انفرادی صارفین تک نہیں۔ ایجنسی مبینہ صارفین کے ذریعہ سپلائی کے نیٹ ورک کو سمجھنے کیلئے بالی ووڈ کے اے لیسٹرز سے پوچھ گچھ کررہی ہے۔واضح رہے کہ اداکاروں کو منشیات کی تحقیقات کے معاملے میں ملزم نامزد نہیں کیا گیا ہے ، ان سے صرف پوچھ تاچھ کی جارہی ہے۔
 

گرفتاری سے قبل پوچھ تاچھ کے دوران ریا چکرورتی نے مبینہ طور پر منشیات کے استعمال کے سلسلے میں سارہ علی خان اور راکول پریت سنگھ سمیت مختلف ستاروں کا نام لیا تھا۔ تاہم، ان کے وکیل نے اس دعوے کی تردید کی ہے۔ واضح رہے کہ سارہ علی خان نے فلم ’’کیدارناتھ‘‘ میں سشانت سنگھ راجپوت کے مقابل کام کیا تھا۔ بامبے ہائی کورٹ میں داخل ریا کی درخواست ضمانت کے مطابق سشانت کو اسی فلم کی شوٹنگ کے دوران منشیات کی عادت لگی تھی۔سشانت کے اہل خانہ نے اپنے وکیل وکاس سنگھ کے ذریعہ تحقیقات کے رخ پر اپنی ناراضگی کا اظہار کیا ہے۔ ان کا کہنا ہے کہ این سی بی کی تحقیقات بھی اسی سمت جارہی ہے جس سمت ممبئی پولیس کی جارہی تھی، صرف توجہ حاصل کرنے کیلئے پوچھ تاچھ کیلئے بڑے بڑے ناموں کو سامنے لایا جارہا ہے۔