آج تلنگانہ کے سنگا ریڈی ضلع کی ایک کیمیکل فیکٹری میں ری ایکٹر میں آگ لگ جانے سے ہونے والے دھماکے میں ۴؍ افراد جاں بحق ہوگئے ہیں جبکہ ۲۵؍ زخمی ہیں۔ انہیں فوری طور پر مقامی اسپتال میں داخل کروایا گیا ہے۔

اے این آئی نے اطلاع دی کہ تلنگانہ کے سنگاریڈی ضلع میں بدھ کی شام ایک کیمیکل فیکٹری میں آگ لگنے سے ہونے والے دھماکے میں کم از کم چار افراد کی موت ہو گئی۔ضلعی ڈسٹرکٹ فائر آفیسر نے خبر رساں ایجنسی کو تصدیق کی کہ جائے وقوع سے چار لاشیں برآمد ہوئی ہیں۔
دی ہندو کے مطابق، دھماکے میں ۲۵؍ افراد زخمی ہوئے۔ ان میں سے ۱۴؍ کو ایم این آر میڈیکل کالج اور اسپتال میں داخل کرایا گیا ج کہ سات کو ضلع کے سرکاری اسپتال لے جایا گیا۔ وزیر اعلیٰ ریونت ریڈی نے جائے وقوع پر صورتحال کا جائزہ لیا اور عہدیداروں نے انہیں بتایا کہ آگ ایک ری ایکٹر میں پھٹنے سے لگی۔

Massive explosion reported after a reactor exploded in Organics factory in Hatnoor, Sanga Reddy. During the blast there were around 50 staff working inside the factory. 4 died and few received severe burn injuries. Fire tenders reached the spot and trying to douse the fire. pic.twitter.com/HJxTxfogeJ

— Sowmith Yakkati (@sowmith7) April 3, 2024

وزیر اعلیٰ کے دفتر نے کہا کہ ’’وزیراعلیٰ نے فائر ڈپارٹمنٹ کے اہلکاروں کو فوری طور پر امدادی کارروائیوں میں تیزی لانے اور آگ پر قابو پانے کا حکم دیا۔‘‘ انہوں نے ضلعی حکام کو حادثے میں زخمیوں کو طبی امداد فراہم کرنے کی بھی ہدایت کی۔