انتونیو غطریس اور ابراہیم حسین طٰہٰ کانفرنس کا افتتاح کریں گے
EPAPER
Updated: March 16, 2023, 11:14 AM IST | New York
انتونیو غطریس اور ابراہیم حسین طٰہٰ کانفرنس کا افتتاح کریں گے
آرگنائزیشن آف اسلامک کوآپریشن‘ (او آئی سی) اور اقوام متحدہ کے اشتراک سے ۱۷؍ مارچ کو ’اسلامو فوبیا مخالف کانفرنس‘ کے انعقاد کا فیصلہ کیا گیا۔ اس سلسلے میں او آئی سی نے ایک بیان جاری کرکے بتایا کہ کانفرنس کا مقصد تشدد اشتعال انگیری ، امتیازی سلوک ، نفرت آمیز بیانات اور تعصب کی بنیاد پر مسلمانوں کے ساتھ زیادتی کے خاتمے کی کوشش کرنا ہے اورا س سلسلےمیں عالمی برادری کو بیدار کرنا ہے۔ اس کانفرنس کا افتتاح اقوام متحدہ کے سیکریٹری جنرل انتونیو غطریس اور اوآئی سی کے سیکریٹری جنرل ابراہیم حسین طٰہٰ کریں گے۔
یاد رہےکہ گزشتہ برس اقوام متحدہ میں ایک قرارداد کی منظوری کے بعد عالمی اسلاموفوبیا مخالف دن منانے کا فیصلہ کیا گیا تھا۔ اس قرار داد میں کہا گیا تھا کہ مختلف اقدامات سے نہ صرف مسلمانوں کے جذبات کو ٹھیس پہنچائی جا رہی ہے بلکہ اسلامو فوبیا کے ذریعے مسلمانوں سے امتیازی سلوک بھی کیا رکھا جا رہا ہے جس کے خلاف اقوام متحدہ کو اقدامات کرنے کی ضرورت ہے۔اقوام متحدہ میں قرارداد کی منظوری کے بعد بدھ (۱۵؍ مارچ۲۰۲۳ء )کو پہلی بار اسلامو فوبیا مخالف عالمی دن منایا گیا ہے۔
اس موقع پر دنیا کے مختلف ممالک میں اسلامو فوبیا کے خلاف اقدامات کا اعادہ کیا گیا اور تقاریب منعقد کی گئیں۔ گزشتہ دنوں ( ۱۰؍ مار چ ۲۰۲۳ء کو ) اس موقع پر اقوام متحدہ کی جنرل اسمبلی کا غیر معمولی اجلاس ہوچکا ہے ۔