مارچ کے مقابلے اپریل ۲۰۲۴ء میں سروس سیکٹر کی رفتار میں قدرے کمی آئی ہے۔ `انڈیا سروسیز پرچیزنگ منیجرز انڈیکس مارچ میں ۶۱ء۲؍ سے گر کر اپریل میں ۶۰ء۸؍ پر آ گیا

 مارچ کے مقابلے اپریل ۲۰۲۴ء میں سروس سیکٹر کی رفتار میں قدرے کمی آئی ہے۔ پیر کو ایس اینڈ پی گلوبل کی مرتب کردہ ایچ ایس بی سی کی رپورٹ میں کہا گیا کہ `انڈیا سروسیز پرچیزنگ منیجرز انڈیکس  مارچ میں ۶۱ء۲؍ سے گر کر اپریل میں ۶۰ء۸؍ پر آ گیا ہے۔ تاہم، یہ اندازہ لگایا گیا تھا کہ اپریل میں سروسیز پی ایم آئی  بڑھ کر ۶۱ء۷؍ ہو جائے گا، لیکن ایسا نہیں ہوا۔ رپورٹ میں کہا گیا کہ مضبوط ملکی اور غیر ملکی مانگ کی وجہ سے کاروباری اعتماد کی سطح ۳؍ ماہ کی بلند ترین سطح پر پہنچ گئی اور اس کی وجہ سے پرچیزنگ منیجرس انڈیکس (پی ایم آئی ) پر زیادہ اثر نہیں پڑا۔
تقریباً۱۴؍  سال کی بلند ترین سطح پر
 خدمات پی ایم آئی میں کمی دیکھی گئی ہو گی، لیکن اعداد و شمار سے پتہ چلتا ہے کہ یہ اب بھی پچھلے۱۴؍  برسوں میں دوسری سب سے بڑی ترقی ہے۔ سروس پی ایم آئی لگاتار۳۳؍ ویں مہینے یعنی اگست۲۰۲۱ء  تک۵۰؍ کی سطح سے اوپر رہی جس سے ظاہر ہوتا ہے کہ سروس سیکٹر کی سرگرمیاں مسلسل پھیل رہی ہیں۔ پی ایم آئی  کی زبان میں ۵۰؍ سے اوپر کے اسکور کا مطلب سرگرمیوں میں توسیع اور۵۰؍ سے کم اسکور کا مطلب ہے  تنگ ہونا ہے۔ حالیہ مینوفیکچرنگ ڈیٹا میں بھی مضبوط مانگ کی وجہ سے ترقی پر زیادہ اثر نہیں پڑا۔ اسی طرح سازگار مارکیٹ اور مضبوط مانگ نے سروسیز پی ایم آئی  نیو بزنس سب انڈیکس کو ۳؍ماہ کی بلند ترین سطح پر دھکیل دیا، جو تقریباً ۱۴؍ برسوں میں تیسری بلند ترین سطح ہے۔
مینوفیکچرنگ پی ایم آئی میں بھی کچھ کمی دیکھی گئی 
 اپریل میں ہندوستان کی مینوفیکچرنگ ترقی کے اعداد و شمار میں کچھ کمی آئی تھی لیکن مانگ برقرار رہنے کا اشارہ تھا۔ ۲؍ مئی کو ایچ ایس بی سی کی رپورٹ میں کہا گیا تھا کہ مینوفیکچرنگ سیکٹر میں گزشتہ ساڑھے ۳؍ سالوں میں دوسری بہتری آئی ہے۔ ایچ ایس بی سی کے ذریعہ جاری کردہ ہندوستان کا پرچیزنگ منیجرس انڈیکس (پی ایم آئی) اپریل میں گر کر۵۸ء۸؍ پر آگیا جبکہ یہ مارچ میں۵۹ء۱؍ کی۱۶؍ سال کی بلند ترین سطح پر تھا۔ اس انڈیکس میں ۵۰؍ سے اوپر کی سطح ترقی کی نشاندہی کرتی ہے اور اس سے کم کمی کی نشاندہی کرتی ہے۔