سی ایس اے پرو۲۰؍کپ میں منگل کو کے زیڈ این ان لینڈ کے تیز گیندباز چیڈ لیکاک نے ٹائٹنز کے خلاف ایک ہی اوور میں پانچ وکٹ حاصل کرکے تاریخ رقم کردی۔ اس کے ساتھ ہی وہ جنوبی افریقہ کے ٹی۲۰؍ کرکٹ میں یہ کارنامہ انجام دینے والے پہلے گیندباز بن گئے۔

سی ایس اے پرو۲۰؍کپ میں منگل کو کے زیڈ این ان لینڈ کے تیز گیندباز چیڈ لیکاک نے ٹائٹنز کے خلاف ایک ہی اوور میں پانچ وکٹ حاصل کرکے تاریخ رقم کردی۔ اس کے ساتھ ہی وہ جنوبی افریقہ کے ٹی۲۰؍ کرکٹ میں یہ کارنامہ انجام دینے والے پہلے گیندباز بن گئے۔ لیکاک نے میچ میں ۲۶؍ رنز دے کر چھ وکٹ لیے، جو ان کے کریئر کی بہترین گیندبازی بھی ہے۔ اس دوران انہوں نے مسلسل چار گیندوں پر وکٹ حاصل کیے، جو جنوبی افریقہ کے ٹی۲۰؍ کرکٹ کا ایک اور ریکارڈ ہے۔ مکمل رکن ٹیموں کے درمیان ٹی۲۰؍ کرکٹ میں اس سے قبل لست ملنگا، راشد خان، کرٹس کیمفر اور جیسن ہولڈر یہ کارنامہ انجام دے چکے ہیں۔ لیکاک کی یہ گیندبازی سی ایس اے پرو ۲۰؍کپ کی تاریخ میں بھی بہترین ہے۔ انہوں نے ۲۰۱۴ء میں بیورَن ہینڈرکس کے ۲۰؍ رنز دے کر چھ وکٹ لینے کے ریکارڈ کو پیچھے چھوڑ دیا۔

🚨 Chad Laycock is a history maker! - First bowler to pick 4 wickets off consecutive deliveries in South African T20 cricket 😎 - First bowler to pick 5 wickets in an over in South African T20 cricket; fifth to do so overall 😲 🫡🫡 https://t.co/IV7UoeAhVZ

— Cricbuzz (@cricbuzz) October 14, 2026

ٹائٹنز کی اننگز کے ۱۹؍ویں اوور میں لیکاک نے یہ ریکارڈ قائم کیا۔ سب سے پہلے انہوں نے لوئس ڈو پلیس کا وکٹ حاصل کیا، اس کے بعد دایان گیلِیئم، افیوے منیاندہ، جینکو اسمتھ اور ایسوسا ایہیوِبا کو مسلسل چار گیندوں پر آؤٹ کیا۔ ان پانچ وکٹوں کے باوجود ۱۹۳؍ رنز پر چار وکٹ کی مضبوط پوزیشن میں موجود ٹائٹنز کی ٹیم اپنی اننگز میں ۲۰۴؍ رنز ہی بنا سکی۔

یہ بھی پڑھئے:سری لنکا نے ٹی۲۰؍ سیریز کا آخری میچ جیتا، فرحان نے ابھیشیک کا ریکارڈ توڑ دیا

اس سے قبل لیکاک نے نویں اوور میں لُہان ڈرے پریٹوریئس کو آؤٹ کرکے کے زیڈ این ان لینڈ کو پہلی کامیابی دلائی تھی۔ پریٹوریئس نے ۳۶؍ گیندوں پر ۸۱؍ رنز بنائے اور پہلی وکٹ کے لیے ۱۱۲؍ رنز کی شراکت بھی قائم کی۔ لیکاک کی ریکارڈ ساز کارکردگی کے باوجود کے زیڈ این ان لینڈ کو یہ مقابلہ ۲۱؍ رنز سے ہارنا پڑا۔ ۲۰۵؍ رنز کے ہدف کا تعاقب کرتے ہوئے کے زیڈ این ان لینڈ کی ٹیم چھ وکٹ پر ۱۸۳؍ رنز ہی بنا سکی، جس میں لیکاک کے ناٹ آؤٹ ۳۱؍ رنز شامل تھے۔
مردوں کے ٹی۲۰؍ کرکٹ میں لیکاک ایک ہی اوور میں پانچ وکٹ لینے والے چوتھے گیندباز ہیں۔ اس سے قبل بنگلہ دیش کے ال امین حسین، ہندوستان کے ابھیمنیو متھن اور انڈونیشیا کے گیدے پریاندا نے یہ کارنامہ انجام دیا ہے۔ مردوں اور خواتین دونوں کے ٹی ۲۰؍ بین الاقوامی کرکٹ میں پریاندا واحد گیندباز ہیں جنہوں نے یہ کارنامہ انجام دیا ہے۔ انہوں نے دسمبر  ۲۰۲۵ء میں کمبوڈیا کے خلاف یہ کارنامہ انجام دیا تھا۔

یہ بھی پڑھئے:اللو ارجن کی فلم ’’راکا‘‘ میں دپیکا پڈوکون مرکزی اداکارہ

ال امین نے ۱۴۔۲۰۱۳ء میں وکٹری ڈے ٹی ۲۰؍ کپ میں ابہانی لمیٹڈ کے خلاف یو سی بی-بی سی بی الیون کی جانب سے کھیلتے ہوئے یہ کارنامہ انجام دیا تھا، جبکہ متھن نے  ۲۰۔۲۰۱۹ءکی سید مشتاق علی ٹرافی میں ہریانہ کے خلاف کرناٹک کی جانب سے کھیلتے ہوئے یہ کارنامہ انجام دیا۔