’’اب ہوگا حساب‘‘ اپنی دلچسپ کہانی اور مضبوط اسٹار کاسٹ کی وجہ سے مسلسل خبروں میں ہے۔ اس دوران اداکارہ نمرت کور اہلووالیا نے شو کے اُس خاص پہلو کے بارے میں بات کی ہے جس نے اس سفر کو اُن کے لیے مزید یادگار بنا دیا۔

’’اب ہوگا حساب‘‘ اپنی دلچسپ کہانی اور مضبوط اسٹار کاسٹ کی وجہ سے مسلسل خبروں میں ہے۔ اس دوران اداکارہ نمرت کور اہلووالیا نے شو کے اُس خاص پہلو کے بارے میں بات کی ہے جس نے اس سفر کو اُن کے لیے مزید یادگار بنا دیا۔ اُن کے مطابق تجربہ کار فنکاروں کے ساتھ کام کرنا اور اُن سے سیکھنا اس پروجیکٹ کا سب سے قیمتی تجربہ رہا۔
نمرت کے لیے تجربہ کار اداکار سنجے کپور کے ساتھ کام کرنا صرف ایک پیشہ ورانہ موقع نہیں تھا بلکہ سیکھنے اور خود کو مزید بہتر بنانے کا بھی ذریعہ تھا۔ اداکارہ کا کہنا ہے کہ سنجے کپور کے طویل تجربے کے ساتھ ساتھ اُن کی سادگی، خوش اخلاقی اور سیٹ پر سب کے لیے دوستانہ اور پُرسکون ماحول قائم رکھنے کی عادت نے اُنہیں سب سے زیادہ متاثر کیا۔

یہ بھی پڑھئے:اکشے کمار کا اشارہ: ’’ویلکم ۴‘‘ میں نانا پاٹیکر اور انیل کپور کی واپسی ممکن

اپنا تجربہ بیان کرتے ہوئے نمرت نے کہا’’سنجے سر ہماری پوری کاسٹ کے سب سے سینئر اداکار ہیں اور شروع ہی سے میں نے اس پروجیکٹ کو اُن سے سیکھنے کا ایک موقع سمجھا۔ اُن کا خاندان کئی دہائیوں سے فلمی دنیا سے وابستہ ہے اور میرے لیے اُن کے ساتھ کام کرنا بے حد خاص تھا۔ جب آپ انڈسٹری میں اپنا سفر شروع کرتے ہیں تو فطری طور پر آپ اُن لوگوں کو دیکھتے ہیں جنہوں نے برسوں اس شعبے میں کام کیا ہو۔ آپ یہ جاننے کی کوشش کرتے ہیں کہ وہ اپنے کام کو کس نظر سے دیکھتے ہیں، خود کو کس طرح پیش کرتے ہیں اور اس پیشے کے ساتھ آنے والے دباؤ کو کیسے سنبھالتے ہیں۔‘‘
انہوں نے مزید کہا’’سنجے سر کی جو بات مجھے سب سے زیادہ پسند آئی، وہ اُن کا سب کے ساتھ اپنائیت بھرا رویہ تھا۔ اتنے تجربے اور شہرت کے باوجود سیٹ پر کبھی بھی فاصلے یا برتری کا احساس نہیں ہوا۔ وہ ہمیشہ اپنا وقت دینے کے لیے تیار رہتے تھے، چاہے کسی منظر پر گفتگو کرنی ہو، اپنے تجربات شیئر کرنے ہوں یا شاٹس کے درمیان ساتھی فنکاروں کے ساتھ وقت گزارنا ہو۔ ہم اکثر ساتھ بیٹھ کر کھانا کھاتے، باتیں کرتے، ہنسی مذاق کرتے اور کام پر تبادلۂ خیال کرتے تھے۔ ان چھوٹی چھوٹی باتوں نے پورے ماحول کو نہایت خوشگوار اور آرام دہ بنا دیا تھا۔ ایک نوجوان فنکار کے طور پر ہمیں کبھی اُن کے سامنے جھجھک یا خوف محسوس نہیں ہوا۔ بلکہ اُنہوں نے ہمیشہ یہ احساس دلایا کہ ہم سب ایک ہی مقصد کے لیے مل کر کام کر رہے ہیں۔ میرے خیال میں یہ خوبی بہت کم لوگوں میں ہوتی ہے اور یہ اُن کی شخصیت کے بارے میں بہت کچھ بیان کرتی ہے۔ اس تجربے سے میں نے صرف اداکاری ہی نہیں سیکھی بلکہ یہ بھی سیکھا کہ سیٹ پر خود کو کس طرح پیش کرنا چاہیے اور دوسروں کو کس طرح پُرسکون اور بااعتماد محسوس کرانا چاہیے۔‘‘

یہ بھی پڑھئے:برطانیہ میں وزیر اعظم اتنی عجلت میں کیوں تبدیل ہورہے ؟

’’اب ہوگا حساب‘‘ کے ذریعے نمرت ایک پیچیدہ اور سنسنی خیز کرائم تھرلر کہانی کا حصہ بنی ہیں۔ اداکارہ کا ماننا ہے کہ اس پروجیکٹ میں تجربہ کار فنکاروں کے ساتھ کام کرنے سے اُن کی اداکاری مزید نکھر کر سامنے آئی اور یہ پورا سفر اُن کے لیے پہلے سے بھی زیادہ یادگار بن گیا۔