انگلش پریمیر لیگ میں سٹی نے برینٹفورڈ فٹبال کلب کو ایک کے مقابلے ۳؍گول سے شکست دے دی۔ سٹی کو پورے ۳؍پوائنٹس ملے۔

فل فوڈین نے مانچسٹر سٹی فٹبال کلب کے سپر اسٹارس ارلنگ ہالینڈ اور کیون ڈی برائن کی مدد سے ہیٹ ٹرک مکمل کی، جس سے سٹی نے برینٹفورڈ فٹبال کلب کو اس کے ہی میدان پر ۱۔ ۳؍گول سے شکست دی۔ اس کامیابی کے بعد مانچسٹر سٹی اور لیورپول کے درمیان اب ۲؍پوائنٹس کا فرق رہ گیا ہے۔ ای پی ایل میں لیورپول ۵۱؍پوائنٹس کے ٹاپ پر ہے اور مانچسٹر سٹی ۴۹؍ پوائنٹس کے ساتھ دوسرے نمبر پر ہے۔ 
 سٹی کے مخالفین ہالینڈ کو گول کرنے سے روک سکتے ہیں اور کنگ ڈی برائن کی مدد کیلئے روک نہیں لگا سکتے ہیں۔ سٹی کے پاس حریف ٹیم کو نقصان پہنچانے کیلئے ایک اہم کھلاڑی موجود ہے۔ فوڈین برینٹفورڈ کے خلاف وہ کھلاڑی تھے جنہو ں نے میزبان کے خلاف پہلا گول کیا۔ برینٹفورڈ نے پہلے ہی ہاف میں ۲۱؍ویں منٹ میں گول کیا تھا۔ فرسٹ ہاف کے انجری ٹائم میں فوڈین نے ٹیم کیلئے پہلا گول کیا۔ انگلینڈ کے مڈفیلڈر نے پہلے ہاف کے اسٹاپیج ٹائم میں ناقص دفاعی کلیئرنس پر باؤنس کر کے برابر کر دیا۔ ۵۳؍ویں میں دوسرا اور۷۰؍ویں میں ایک اور گول کرکے ٹیم کی جیت یقین کردی تھی۔ 
 میچ کے بعد فل فوڈین نے کہاکہ ’’یہ شاید بہترین فارم ہے جو میں نے سٹی شرٹ میں طویل عرصے سے، مستقل طور پر دیکھی ہے۔ یہ طویل عرصے تک جاری رہ سکتی ہے۔ ‘‘ خیال رہے کہ ان کے گول کی تعداد تمام مقابلوں میں ۱۴؍ ہو گئی۔ فوڈین نے اکیڈمی کے ذریعے آنے کے بعد اپنےپرانے کلب کے ساتھ یہ سب کچھ جیت لیا ہے لیکن وہ ہمیشہ باقاعدہ نہیں رہے۔ اس میچ میں وہ زبردست مقابلہ کررہے تھے۔ انہوں نے حریف اسٹرائیکرس کو روکا اور دفاعی کھلاڑیوں کو پریشان کیا۔ انہوں نے مضبوط کھیل کا مظاہر ہ کیا۔ 
 فل فوڈین نے مرکزی کردارکیلئے لیے اپنی ترجیح کے بارے میں کہا کہ’’اگر میں ایک پوزیشن میں کھیلوں اور ہر کھیل میں اس پوزیشن کو سیکھوں تو اس سے مدد ملے گی۔ میں ایک ایسا شخص ہوں جو ضرورت پڑنے پر بہت ساری پوزیشنز کو اپناتا اور کھیلتا ہوں۔ میں جانتا ہوں کہ مین سٹی کی اس ٹیم میں میں ایسا کرنے جا رہا ہوں — بہت ساری پوزیشنز پر کھیلوں گا — اور مجھے تیار رہنے کی ضرورت ہے۔ ‘‘
 انہوں نے مزید کہاکہ میں صرف مڈفیلڈ میں کھیلنے سے لطف اندوز ہو رہا ہوں۔ یہ وہ جگہ ہے جہاں میں خود کو اپنا بہترین فٹبال کھیلتے ہوئے دیکھتا ہوں اس لئے امید ہے کہ میں وہاں مزید کھیل کا وقت حاصل کر سکوں گا۔ سٹی سیزن کے دوسرے ہاف میں جیتنے کا ایک جانا پہچانا سلسلہ بنا رہا ہے جو کہ۲۷؍ دسمبر سے لیگ میں لگاتار ۵؍ اور تمام مقابلوں میں مسلسل ۹؍ ہے۔ اس کے تمام اہم کھلاڑی صحت مند ہیں اور وہ اچھا کھیل رہے ہیں۔