روز مرہ کی زندگی میں تولیے کا استعمال عام ہے۔اسے نہانے کے بعد جسم خشک کرنے کیلئے یا منہ دھوکر پوچھنے کیلئے استعمال کیا جاتا ہے۔ کیا آپ نے کبھی سوچا کہ آخر تولیے کے درمیان میں لکیریں کیوں ہوتی ہیں؟

روز مرہ کی زندگی میں تولیے کا استعمال عام ہے۔اسے نہانے کے بعد جسم خشک کرنے کیلئے یا منہ دھوکر پوچھنے کیلئے استعمال کیا جاتا ہے۔ کیا آپ نے کبھی سوچا کہ آخر تولیے کے درمیان میں لکیریں کیوں ہوتی ہیں؟
سوشل میڈیا پر وائرل سوال
 یہ وہ سوال ہے جو گزشتہ دنوں سوشل میڈیا سائٹ ’’ایکس‘‘ پر بہت وائرل ہوا۔ کچھ صارفین نے ا س سوال کو مذاق کے طور پر لیا مگر بیشتر ایسے تھے جو اس کا جواب ڈھونڈنے کی کوشش کرتے رہے۔کچھ کا خیال تھا کہ ان لکیروں سے تولیے کو جلد خشک ہونے میں مدد ملتی ہے مگر اصل جواب کچھ اور تھا اور وہ یہ ہے کہ یہ لکیریں تولیے کو مضبوط بناتی ہیں۔
ان لکیروں کو کیا کہتے ہیں؟
 تولیے پر موجود ان لکیروں کو ’’ڈوبی بارڈرز‘‘ (Dobby Borders) کہا جاتا ہے۔ یہ لکیریں تولیے کی زندگی کو طویل بنانے کا کام کرتی ہیں۔یہ لکیریں تولیے میں پانی جذب ہونے کے عمل کو بہتر بناتی ہیں جبکہ متعدد بار استعمال یا دھونے پر بھی تولیے کے ریشوں کو خراب ہونے سے بچاتی ہیں۔
کمپنی کا کیا کہنا ہے؟
 تولیے تیار کرنے والی ایک کمپنی کے مطابق پانی کو جذب کرنا کسی اچھے تولیے کی اہم ترین خصوصیات میں سے ایک ہے مگر تولیے کی موٹائی اور کارکردگی کے درمیان مثالی توازن برقرار رکھنا کسی چیلنج سے کم نہیں۔ کمپنی نے بتایا کہ یہ لکیریں اس توازن کو یقینی بناتی ہیں جبکہ تولیے کے کناروں کو بہت زیادہ بھاری ہونے سے بھی بچاتی ہیں اور یہ بات بھی یقینی بناتی ہیں کہ تولیہ بدستور نرم اور ہلکے وزن کا رہے۔ کمپنی نے واضح کیا کہ ڈوبی بارڈرز عملی استعمال کے ساتھ تولیے کی خوبصورتی کو بڑھانے کا کام بھی کرتے ہیں۔ ان لکیروں کی وجہ سے تولیے دیدہ زیب اور خوبصورت نظرآتے ہیں۔