اے آر رحمان نے آنجہانی گلوکاروں بمباکیا اور شاہ الحمیدکی آوازوں کو دوبارہ استعمال کرنے پر اے آئی کا سہارا لینے کی وضاحت کی۔ انہوں نے کہا کہ گلوکاروں کے خاندانوں کو معاوضہ دیا گیا تھا۔

اے آر رحمان نےاے آئی ( مصنوعی ذہانت) کا استعمال کرکے دو آنجہانی گلوکاروں بمباکیا اور شاہ الحمید کی آوازوں کو دوبارہ پیش کر کے رجنی کانت کی فلم ’’لال سلام‘‘ کا گانا ’’تھمیری یزھودا‘‘بنایا ہے۔ بہت سے مداح اس تعلق سے الگ الگ تاثرات کا اظہار سوشل میڈیا پر کر رہے ہیں۔ تاہم، آسکر انعام یافتہ کمپوزر نے اس معاملہ پر وضاحت کرتے ہوئے کہا ہے کہ ’’اس بات کی اجازت ان کے اہل خانہ سے لے لی گئی تھی اورانہیں معاوضہ بھی بھجوادیا گیا ہے۔‘‘
منگل کو اے آر رحمان نے ’’ایکس‘‘ پر سونی میوزک ساؤ تھ کی پوسٹ جس میں بتایا گیا کہ کس طرح اے آئی ( مصنوعی ذہانت) کا استعمال کر کے آنجہانی گلوکاروں بمباکیا اور شاہ الحمید کی آوازوں کو دوبارہ بنانے کے لئے لیا گیا۔ انہو ں نے کہا کہ ’’ہم نے ان کے اہل خانہ سے اجازت لی اور ان کے صوتی الگورتھم استعمال کرنے کے لئے مناسب معاوضہ بھیجا۔ اگر ہم اسے صحیح استعمال کرتے ہیں تو ٹیکنالوجی سے کوئی خطرہ اور پریشانی نہیں ہے۔

We took permission from their families and sent deserving remuneration for using their voice algorithms ..technology is not a threat and a nuisance if we use it right…#respect #nostalgia 🙏 https://t.co/X2TpRoGT3l

— A.R.Rahman (@arrahman) January 29, 2024

آنجہانی گلوکار بمباکیا نے اے آر رحمان کے ساتھ کئی گانوں میں تعاون کئے ہیں۔ ان کا انتقال دل کا دورہ پڑنے کی وجہ سے ۲۰۲۲ءمیں ہوا تھا جبکہ شاہ الحمید ۱۹۹۷ء میں ایک کار حادثہ میں جاں بحق ہوئے تھے۔
 مائیکروبلاگنگ سائٹ پر رحمان کی وضاحت پر مداحوں نے ردعمل کا اظہار کیا۔ ایک مداح نے کہا انٹرنیٹ شاید اس بارے میں منقسم ہے، اے آر رحمان کا شکریہ! کسی ایسے شخص کی آواز سننا جو اب ہمارے ساتھ نہیں ہے، اپنے آپ میں خاندانوں کیلئے ایک تحفہ اور ٹیکنالوجی کی بدولت ہے۔ ایک اور مداح نے کہا، ’’آپ ایسے ہی جوہر ہیں سب سے پیارے تھلائیوا۔ جب تک آپ نہ ہوں کوئی بھی ایسا کچھ سوچ بھی نہیں سکتا اور نہ ہی ایسا کر سکتا ہے۔‘‘
 لال سلام ایک اسپورٹس ایکشن ڈرامہ ہے جس کی ہدایت کاری ایشوریہ رجنی کانت نے کی ہے۔