جے للتا کی والدہ کا کردار نبھائیں گی بھاگیہ شری

Updated: July 17, 2020, 11:03 AM IST | Agency | Mumbai

بالی ووڈ اداکارہ بھاگیہ شری فلم ’تھلائیوی‘ میں تمل ناڈو کی سابق وزیر اعلیٓ اور اداکارہ جے للتا کی والدہ کا کردار نبھا سکتی ہیں

Bhagyasree - Pic : INN
بھاگیہ شری ۔ تصویر : آئی این این

 بالی ووڈ اداکارہ بھاگیہ شری فلم ’تھلائیوی‘ میں تمل ناڈو کی سابق وزیر اعلیٓ اور اداکارہ جے للتا کی والدہ کا کردار نبھا سکتی ہیں۔ سپر ہٹ فلم ’میں نے پیار کیا‘ کی مشہور اداکارہ بھاگیہ شری جلد ہی فلم انڈسٹری میں واپش آ رہی ہیں۔ بھاگیہ شری نے کنگنا رناوت کے مرکزی کردار والی فلم ’تھلائیوی‘ سائن کی ہے۔ کنگنا اس فلم میں تمل ناڈو کی سابق وزیر اعلیٰ جے للتا کے کردار میں نظر آئیں گی۔
 ایسا کہا جارہا ہے کہ بھاگیہ شری فلم ’تھلائیوی‘ میں جے للتا کی والدہ سندھیا کا کردار ادا کرتی نظر آئیں گی۔ فلم میں جے للتا کے بچپن سے لے کر سیاست میں عروج پر پہنچنے تک کے سفر کو دکھایا گیا ہے۔ لہٰذا بھاگیہ شری کا کرداراور زیادہ اہم ہوجاتا ہے۔ فلم ’تھلائیوی‘ کی شوٹنگ طویل عرصے سے لاک ڈاؤن کی وجہ سے بند ہے۔ یہ فلم ہندی کے علاوہ تمل، تیلگو اور انگریزی میں بھی ریلیز کی جائے گی۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK