ٹی وی کا سب سے متنازعہ ریئلٹی شو’بگ باس ۱۶؍‘ سرخیوں میں رہتاہے۔بگ باس کے کنٹسٹنٹس کی لڑائی اکثر ٹی آرپی کے کھیل میں شوبنانے والوں کو کبھی مایوس نہیں کرتی، جس کی وجہ سے میکرز نے شو کو آگےبڑھانےکا فیصلہ تک کرلیا ہے

ٹی وی کا سب سے متنازعہ ریئلٹی شو’بگ باس ۱۶؍‘ سرخیوں میں رہتاہے۔بگ باس کے کنٹسٹنٹس کی لڑائی اکثر ٹی آرپی کے کھیل میں شوبنانے والوں کو کبھی مایوس نہیں کرتی، جس کی وجہ سے میکرز نے شو کو آگےبڑھانےکا فیصلہ تک کرلیا ہے۔حال ہی میں بگ باس کاپرومو ریلیز ہوا ہے، جس میں سلمان خان اورمنیش پال ایک ساتھ نظر آ رہےہیں۔اس کے بعد بگ باس ہاؤس کےکنٹسٹنٹ ۲۷؍دسمبرکوسلمان خان کی سالگرہ کے موقع پرسرپرائز ڈانس کرتے ہیں جسے دیکھ کر اداکار بھی خوش ہو جاتے ہیں۔
 پرومو کے آغاز میںمنیش پال سلمان خان کو اس سرپرائزکےبارے میں بتاتےہیں۔اس کے بعد سب سےپہلے ساجد خان، ایم سی اسٹین اور شیو ٹھاکرے نےہیلو برادر کے گانے پر ڈانس کیا، فلمساز ساجد کو ڈانس کرتے دیکھ کر تمام مقابلہ کرنے والے دنگ رہ گئے۔اس کے بعد پرینکا چاہر چودھری اور انکیت گپتا کو’جب پیار کسی سے ہوتا ہے‘ گانے ’’چل پیار کرے گی‘‘ پرپرفارم کرتے ہوئے دیکھا گیا۔ شیو  بھی نمرت کور اہلووالیا کے ساتھ ڈانس کرتےدیکھے گئے۔  سپر اسٹار سلمان خان کلپ میں تمام  گھر والوں کو دیکھ کر جذباتی ہوتے نظر آئے۔ پرفارمنس کے بعد سلمان بہت خوش تھے اور گھر والوں کی بہترین کوشش کو سراہتے بھی نظر آئے۔
 کام کےتعلق سے بات کی جائے توسلمان خان اگلی آنے والی فلم ’کسی کا بھائی کسی کی جان‘ میں نظر آئیںگے۔اس فلم کی ہدایاتکاری فرہاد سامجی  کررہے ہیںاور اس میں سلمان خان مرکزی کردار ادا کریں گے۔ اس فلم میں اداکارہ پوجا ہیگڑے بھی جلوہ گر ہوں گی اورٹیلی ویژن اداکارہ شہناز گل کے بالی ووڈ میں  قدم رکھیں گی۔شائقین اس فلم کو دیکھنے کا بے صبری سے انتظار کر رہے ہیں۔