ڈاکٹر استھانا‘ کے طور پر اپنی شاندار اداکاری کیلئے شہرت پانے و الےاداکار بومن ایرانی نے اپنی پسندیدہ فلموں میں سے ایک ’منا بھائی ایم بی بی ایس ‘ کے۱۹؍ سال مکمل ہونے کا جشن منایا۔

’ڈاکٹر استھانا‘ کے طور پر اپنی شاندار اداکاری  کیلئے شہرت پانے و الےاداکار بومن ایرانی نے اپنی پسندیدہ فلموں میں سے ایک ’منا بھائی ایم بی بی ایس ‘ کے۱۹؍ سال مکمل ہونے کا جشن منایا۔ راجکمار ہیرانی کی ہدایت کاری میں کامیڈی ڈراما فلم بلاشبہ ان بہترین فلموں میں سے ایک ہے جس  نے ۲۰۰۴ء میں بہترین مقبول فلم کا نیشنل فلم ایوارڈ اور کئی فلم فیئر ایوارڈز جیتا تھا۔’سنکی‘ ڈاکٹر استھانہ کا کردار ادا کرنے والے بومن ایرانی کو ان کے مداح آج بھی پسند اور یاد کرتے ہیں۔ اداکار جو منفی جذبات  میں ڈین کا کردار ادا کرتا ہے، اپنی مضبوط اداکاری کی صلاحیتوں کی بدولت بہت  اہم تاثر قائم کرنے میں مدد کرتا ہے۔ ایک وقت ایسا بھی آیا جب مداح انہیں پسند کیے بغیر نہ رہ سکے۔اپنے تجربے کے بارے میں گفتگو کرتے ہوئے بومن ایرانی کہتے ہیں’’منا بھائی ایم بی بی ایس میرے لیے بہت خاص فلم رہی ہے۔ مجھے معلوم تھا کہ ڈاکٹر استھانا کا کردار میرے لیے مختلف ہوگا لیکن میں خطرہ مول لینے کیلئے تیار تھا۔ مجھے خوشی ہے کہ میں نے ایسا اس لیے کیا کیونکہ میرے پرستار اب بھی مجھے یاد کرتے ہیں اور پہلی ریلیز کے بعد بھی میری پرفارمنس کی قدر کرتے ہیں۔‘‘کام کے محاذ پر، بومن اگلی راج کمار ہیرانی کی ’ڈنکی‘ میں نظر آئیں گے جس میں شاہ رخ خان بھی ہیں۔