دلیپ کمار کی ۱۰۱؍ ویں سالگرہ پرسوشل میڈیا پر دھرمیندر کا جذباتی پیغام ، کہا: بہت یاد آتی ہے ان کی۔

دلیپ کمار کی ۱۰۱؍ ویں سالگرہ پر دھرمیندر نے انہیں خراج عقیدت پیش کیا۔ انہوں نے پیر کوعلی الصباح ۵؍ بج کر ۱۵؍ منٹ پر ایکس پر  اپنے پیغام میں کہا ، ’’آج ہمارے دلیپ صاحب کی سالگرہ ہے۔ بہت یاد آتی ہے ان کی۔ ‘‘
 بالی ووڈ اداکار دھرمیندر   کے اس جذباتی پیغام  سے پیر کو شام ۷؍ بجے تک تقریبا ً۷۵؍  ہزار افراد نے استفادہ کیاجبکہ ساڑھے ۳؍ ہزار افراد نے اسے ری پوسٹ کیا۔ دھرمیندر نے اپنے سوشل میڈیا اکاؤنٹ پر دلیپ کمار کا ایک  ویڈیو  بھی شیئر کیا۔ اس ویڈیو میں بالی ووڈ اداکار دلیپ کمار یہ کہتے ہوئے نظر آ رہے ہیں ،’’ہمارے بعد اس محفل میں افسانے بیاں ہوں گے....بہاریں ہم کو ڈھونڈیں گی نہ جانے ہم کہاں ہوں گے ؟‘‘