اداکارہ ودیا بالن کے ہاتھوں فلم صحافی میتھیلی راؤ کی کتاب ’دی ملینیل وومن انڈ بالی ووڈ ‘ اجرا کیا جائے گا۔

اداکارہ ودیا بالن کے ہاتھوں فلم صحافی میتھیلی راؤ کی کتاب ’دی ملینیل وومن انڈ بالی ووڈ ‘ اجرا کیا جائے گا۔ ۱۷؍فروری ۲۰۲۳ء کی شام اداکارہ ودیا بالن معروف صحافی کی کتاب کو عوام کے سامنے پیش کریں گی۔ خیال رہے کہ میتھیلی راؤ فلمی ناقدین میں شمار ہوتی ہیں۔ وہ مصنفہ اور صحافی بھی ہیں اورانہوں نے اس شعبے میںکئی برس تک خدمات انجام دی ہیں۔ آکسفورڈ یونیورسٹی پریس انڈیا کے توسط سے انہوںنے بالی ووڈ میں خواتین کے مضبوط رول والی فلموں کے تعلق سے معلومات فراہم کی ہے۔ انہوں نے  ۲۰۰۰ء اور ۲۰۱۰ء کے بعد ریلیز ہونے والی فلموں کے حوالے سے اپنی کتاب میں لکھا ہے۔ ودیا بالن نے کہاکہ وہ اس کتاب کے اجرا کے تعلق سے بہت خوش ہیں اورمیتھیلی راؤ کو ان کی تحریر پر مبارکباد دیتی ہیں۔