سپر اسٹار کے اس بیان نے تنازع کو جنم دیا، ان کا کہنا تھا کہ ’’میری فلموں کا کامیاب ہونا قسمت میں نہیں تھا۔عامر خان ہندوستانی سنیما کے سب سے مشہور اور باصلاحیت سپر اسٹارز میں سے ایک ہیں۔ انہوں نے اپنے برسوں کے طویل کریئر میں متعدد بلاک بسٹر فلمیں دی ہیں۔

۵۶؍ویں انٹرنیشنل فلم فیسٹیول آف انڈیا میں ایک سیشن کے دوران عامر خان نے کہا کہ انہوں نے کبھی بھی اسٹار بننے کے لیے کام نہیں کیا۔ انہوں نے صرف ان فلموں میں کام کرنے کا انتخاب کیا جو انہیں ذاتی طور پر پسند تھیں۔عامر خان کو بالی ووڈ کے پرفیکشنسٹ کے طور پر جانا جاتا ہے کیونکہ وہ اپنے کام میں تفصیل پر پوری توجہ دیتے ہیں۔ وہ آخری بار فلم ’’ستارے زمین پر‘‘ میں نظر آئے، جسے شائقین نے بہت پسند کیا۔ انہوں نے اپنے پورے کریئر  میں متعدد بلاک بسٹر فلمیں دی ہیں  تاہم عامر خان کا کہنا ہے کہ انہیں ابھی تک یہ سمجھ نہیں آیا کہ وہ اسٹار کیسے بن گئے۔

یہ بھی پڑھئے:تیرے عشق میں:جنون،درد اور محبت کی شدت پر مبنی ایک اور عمدہ فلم

انہوں نے حال ہی میں ۵۶؍ ویں انٹرنیشنل فلم فیسٹیول آف انڈیا (آئی  ایف ایف آئی )  میں ایک سیشن کے دوران اپنے کریئر پر تبادلہ خیال کیا۔خبر رساں ایجنسی پی ٹی آئی کے مطابق سیشن کے دوران عامر خان نے کہا کہ میں نہیں جانتا کہ میں اسٹار کیسے بن گیا، منطقی طور پر مجھے  یہ نہیں بننا چاہیے تھا، میں نے تمام اصولوں کو توڑا اور ہر چیز کو ناقابل عمل بنا دیا، اس لیے میں بہت شکرگزار ہوں کہ مجھے اتنی عزت اور کامیابی ملی، ورنہ عملی طور پر دیکھا جائے تو میں نے جو قدم اٹھایا ان میں سے کوئی بھی کامیابی کا مقصد نہیں تھا۔فلمیں غیر یقینی تھیں۔
اپنی کامیاب فلموں کے بارے میں بات چیت کرتے ہوئے عامر خان کا کہنا تھا کہ دراصل، میں نے تقریباً ہر فلم کا انتخاب کیا، میں سوچتا تھا کہ یہ کام کرے گی یا نہیں، جیسے سرفروش اور لگان، جب ہم یہ فلمیں ریلیز کر رہے تھے تو ہمیں اندازہ نہیں تھا کہ لوگ انہیں پسند کریں گے یا نہیں۔ پھر لگان، دل چاہتا ہے ، یہ دونوں  اپنے وقت کے لیے بہت مختلف تھیں۔ میں ایک ہی چیز کو بار بار نہیں کرنا چاہتا۔میری شخصیت ایسی ہے کہ میں متنوع اسکرپٹس کا انتخاب کرتا ہوں اور میں ہمیشہ وہی کرتا ہوں جو ذاتی طور پر مجھے پرجوش کرتا ہے۔

یہ بھی پڑھئے:ممتا کی للکار کا کچھ فائدہ ہوگا؟

عامر خان ’ستارے  زمین پر‘ میں نظر آئے
واضح رہے کہ عامر کی آخری فلم ستارے  زمین پر  تھی۔ یہ ان کی ۲۰۰۷ء کی فلم تارے زمین پر  کا  سیکوئل ہے۔ جنیلیا ڈی سوزا بھی اہم کردار میں نظر آئیں۔ `ستارے  زمین پر  ۲۰؍ جون کو سنیما گھروں میں ریلیز ہوئی  تھی اور باکس آفس پر سپر ہٹ رہی۔ فی الحال عامر خان نے اپنی اگلی فلم کا باضابطہ اعلان نہیں کیا ہے۔