بالی ووڈ کی معروف اداکارہ جوہی چاؤلہ نے کنگ شاہ رخ خان کے ساتھ پھر سے فلم میں کام کرنے کی خواہش کا اظہار کردیا۔

بالی ووڈ کی معروف اداکارہ جوہی چاؤلہ نے کنگ شاہ رخ خان کے ساتھ پھر سے فلم میں کام کرنے کی خواہش کا اظہار کردیا۔  شاہ رخ خان اور جوہی چاؤلہ ۹۰ء کی دہائی میں  فلم انڈسٹری کےلئے کامیاب جوڑی رہی، انہوں نے بالی ووڈ کی متعدد سپر ہٹ فلمیں کیں، مداح بھی دونوں اسٹارس کو خوب پسند کرتے ہیں۔ رپورٹ میں بتایا گیا کہ کنگ خان اور جوہی نے ایک ساتھ راجو بن گیا جینٹل مین، ڈر، رام جانے، یس باس اور پھر بھی دل ہے ہندوستانی سمیت دیگر کئی کامیاب فلموں میں اداکاری کے جلوے بکھیرے۔ یہ جوڑی آخری بار۲۰۱۸ء میں ریلیز ہونے والی فلم زورو میں نظر آئی تاہم پرستار انہیں ایک بار پھر فلم میں ساتھ کام کرتے ہوئے دیکھنا چاہتے ہیں۔ اس ضمن میں مقامی خبر رساں ادارے کے نمائندے نے جوہی چاؤلہ سے سوال کیا کہ کیا آپ دونوں دوبارہ ایک ساتھ بڑی اسکرین پر جلوہ گر ہوں گے؟ جس پر انہوں نے جواب دیا کہ ’’ارے، مجھے امید ہے۔‘‘ اداکارہ نے نمائندے سے فرمائش کی کہ اگلی بار جب شاہ رخ خان سامنے آئیں تو ان سے بھی یہی سوال پوچھئے گا اور یہ بھی کہیے گا  کہ جوہی کے ساتھ کام کرو۔