سینٹرل بورڈ آف فلم کلیریفیکشن (سی بی ایف سی) نے دیوراکونڈا کی فلم ’’کنگڈم‘‘کو یو اے سرٹیفکیٹ دے دیا ہے۔ یاد رہے کہ یہ فلم ۳۱؍ جولائی ۲۰۲۵ء کو سنیما گھروں میں ریلیز ہوگی۔ فلمسازوں نے فلم کا نیا پوسٹر ریلیز کیا ہے۔

سینٹرل بورڈ آف فلم کلیریفکیشن (سی بی ایف سی) نے ہدایتکار گوتم تنوناری کی ہدایتکاری میں بننےوالی ایکشن فلم ’’کنگڈم‘‘، جس میں وجے دیوراکونڈا نے کلیدی کردار نبھایا ہے، کو یو اے سرٹیفکیٹ دے دیا ہے۔ اس فلم کو پروڈیوس کرنے والے پروڈکشن ہاؤس ستھارا انٹرٹینمنٹ نے یہ اعلان کیا ہے۔ سنیچر کو فلم کے پروڈکشن ہاؤس نے فلم کا پوسٹر ریلیز کرتے ہوئے کیپشن میں لکھا کہ ’’گن لوڈ کی جاچکی ہے اور تمام گنوں کو یو اے سرٹیفکیٹ کے ساتھ تمام گولیاں چلا دیجئے اور تباہی کا آغاز کیجئے۔‘‘

یہ بھی پڑھئے: سیلینا جیٹلی نے ’’کارگل وجے دیوس‘‘ پر اپنے والد اور دادا کو خراج عقیدت پیش کیا

قبل ازیں یہ فلم ۲۸؍ مارچ ۲۰۲۵ء کو سنیما گھروں میں ریلیز کی جانے والی تھی۔ بعد ازیں فلم کی ریلیز ملتوی کر کے ۳۰؍ مئی ۲۰۲۵ء کی گئی تھی۔ بعد ازیں فلم کی ریلیز دو مرتبہ ملتوی کی گئی جس کے بعد اب یہ فلم ۳۱؍ جولائی ۲۰۲۵ء کو سنیما گھروں کی زینت بنے گی۔ یاد ہے کہ فلم کے ٹیزر کے ریلیز کئے جانے کے بعد سے اس کے تعلق سے سوشل میڈیا پر قیاس آرائیاں جاری ہیں۔ ٹیزر میں وجے دیوراکونڈا کے کردار کو دکھایا گیا تھا۔ یہ فلم، جسے ابتدائی طور پر ’’وی ڈی ۱۲‘‘ کہا جارہا تھا، کی ٹیگ لائن ہے ’’فرام دی شیڈوز آف بیٹرائل، شیل رائزاے کنگ۔‘‘ فلم کی ہدایتکاری گوتم تنوناری نے انجام دی ہے جبکہ انیرودھ روی چندر نے اس میں موسیقی ترتیب دی ہے۔ فلم کی ایڈیٹنگ نوین نولی نے کی ہے جبکہ اسے وامسی ایس اور سائی سائی سوجنیا نے ستھارا انٹرٹینمنٹ اور فورچون ۴؍ سنیما بینرز کے تحت پروڈیوس کیا جائے گا۔