اس کے ساتھ ہی انہوں نے عالمی برادری کے افراد سے کہا کہ جس طرح ماضی میں آپ سیاحت کیلئے نیپال آتے رہے اُسی انداز کو برقرار رکھئے، یہاں آئیے، آپ کے دم خم سے یہاں کا شعبۂ سیاحت پھلے پھولے گا، مقامی لوگوں کو کام اور روزگار ملے گا۔ ۱۹۴۲: اے لوَ اسٹوری، بامبے، خاموشی اور دل سے جیسی فلموں کی مقبول اداکارہ منیشا کوئرالہ کے بقول: ’’مَیں نہیں چاہتی کہ لوگ نیپال کے ذکر پر کہیں کہ یہ آفتوں کا ملک ہے۔ یہ سیاحتی اعتبار سے بہت اہم جگہ ہے اس لئے اس سے اپنی دوستی بنائے رکھئے، یہاں آنا جانا جاری رکھئے۔‘‘