ہندوستانی سنیما کی دنیا میں منا ڈے کو ایک ایسے گلوکار کے طور پر یاد کیا جاتا ہے جنہوں نے اپنی لاجواب گلوکاری کے ذریعے کلاسیکی موسیقی کو مخصوص شناخت دلائی۔

ہندوستانی سنیما کی دنیا میں منا ڈے کو ایک ایسے گلوکار کے طور پر یاد کیا جاتا ہے جنہوں نے اپنی لاجواب گلوکاری کے ذریعے کلاسیکی موسیقی کو مخصوص شناخت دلائی۔پربودھ چندر ڈے عرف منا ڈے کی پیدائش یکم مئی ۱۹۱۹ءکو کولکاتا میں ہوئی ۔ ان کے والد انہیں وکیل بنانا چاہتے تھے لیکن ان کا رجحان موسیقی کی سمت تھا اور وہ اسی میدان میں اپنا مستقبل بنانا چاہتے تھے۔منا ڈے نے موسیقی کی ابتدائی تعلیم اپنے چچا كےسي ڈے سے حاصل کی۔
 منا ڈے کے بچپن کے دنوں کا ایک دلچسپ واقعہ ہے کہ استاد بادل خان اور منا ڈے کے چچا ایک مرتبہ ساتھ ساتھ ریاض کر رہے تھے،اسی وقت بادل خان نے منا ڈے کی آواز سنی اور ان کے چچا سے پوچھا یہ کون گا رہا ہے، جب منا ڈے کو بلایا گیا تو انہوں نے اپنے استاد سے کہا، ’’بس ایسے ہی گانا گالیتا ہوں ‘‘لیکن بادل خان نے منا ڈے کی چھپے ہوئے ہنر کو پہچان لیا۔اس کے بعد وہ اپنے چچا سے موسیقی کی تعلیم لینے لگے۔
 منا ڈے ۴۰ءکی دہائی میں اپنے چچا کے ساتھ موسیقی کے میدان میں اپنے خوابوں کو پورا کرنے کے لئے ممبئی آ گئے۔ ۱۹۴۳ءمیں فلم’ `تمنا‘میں بطور گلوکار انہیں ثریا کے ساتھ گانے کا موقع ملا۔حالانکہ اس سے پہلے وہ فلم ’رام راج‘ میں کورس کے طور پر گانا گاچکے تھے۔دلچسپ بات ہےکہ یہی ایک واحد فلم تھی جسے بابائے قوم مہاتما گاندھی نے دیکھا تھا۔
 ابتدائی دور میں منا ڈے کے ہنر کو  پہچاننے والوں میں موسیقار شنکر جے کشن کا نام خاص طور پر قابل ذکر ہے۔ اس جوڑی نے انہیں مختلف انداز کے نغمات گانے کا موقع دیا ۔’ `آجا صنم مدھر چاندنی میں ہم‘ جیسے رومانوی نغمہ اور’كیتكي گلاب جوہی‘ جیسے کلاسیکل نغمے بھی گوائے ۔ 
 ء۱۹۵۰  میں موسیقار ایس ڈی برمن کی فلم مشعل میں منا ڈے کو’اوپر گگن وشال‘ نغمہ گانے کا موقع ملا جس کی کامیابی کے بعد بطور گلوکار وہ اپنی شناخت بنانےمیں کامیاب ہو گئے۔۱۹۶۱ءیں موسیقارسلیل چودھری کی موسیقی میں فلم ’كابلي والا‘کی کامیابی کے بعد مناڈے شہرت کی بلنديو ں پر جا پہنچے۔ اس فلم میں ان کی آواز میں پریم دھون کا لکھا ہوا نغمہ ’اے میرے پیارے وطن اے میرے بچھڑے چمن‘ آج بھی سامعین کی آنکھوں کو نم کر دیتا ہے۔پران کے لئے انہوں نے فلم اپکار میں’قسمیں وعدے پیار وفا‘ اور زنجیر میں ’یاری ہے ایمان میرا یار میری زندگی‘جیسے نغمے گائے۔ فلموں میں قابل ذکر خدمات کیلئے انہیں ۱۹۷۱ءمیں پدم شري اور۲۰۰۵ ء میں پدم بھوشن ایوارڈ سے نوازا گيا۔شائقین کے دلوں میں خاص جگہ بنانے والے منا ڈے ۲۴؍ اکتوبر ۲۰۱۳ءکو اس دنیا سے الوداع کہہ گئے۔