بالی ووڈ اداکارہ نیہا دھوپیا کی فلم ’’۵۲؍ بلیو کا آسٹریلوی پریمیئر معروف انڈین فلم فیسٹیول آف میلبورن (آئی ایف ایف ایم )(IFFM) میں ہونے جا رہا ہے۔ یہ فلم کے بین الاقوامی سفر کا ایک اہم سنگِ میل ہے، جہاں آسٹریلیا کے ناظرین کو ایک جذباتی اور دل کو چھو لینے والی کہانی دیکھنے کا موقع ملے گا۔

بالی ووڈ اداکارہ نیہا دھوپیا  کی فلم ’’۵۲؍ بلیو‘‘  کا آسٹریلوی پریمیئر معروف انڈین فلم فیسٹیول آف میلبورن (آئی ایف ایف ایم )(IFFM)  میں ہونے جا رہا ہے۔ یہ فلم کے بین الاقوامی سفر کا ایک اہم سنگِ میل ہے، جہاں آسٹریلیا کے ناظرین کو ایک جذباتی اور دل کو چھو لینے والی کہانی دیکھنے کا موقع ملے گا۔

یہ بھی پڑھئے:مائیکل اسمتھ کو دو سال کے لیے پاکستان کا بیٹنگ کوچ مقرر کیا گیا

فلم کے پریمیئر پر خوشی کا اظہار کرتے ہوئے نیہا دھوپیا نے کہا کہ وہ بے حد خوش اور شکر گزار ہیں کہ  ’’۵۲؍ بلیو‘‘ کوآئی ایف ایف ایم  جیسے معتبر پلیٹ فارم پر پیش کیا جا رہا ہے۔ ان کے مطابق ہر فلم کا اپنا الگ سفر ہوتا ہے، لیکن کچھ کہانیاں ایسی ہوتی ہیں جو ایک فنکار کے دل میں ہمیشہ کے لیے جگہ بنا لیتی ہیں  اور ’’۵۲؍ بلیو‘‘ بھی انہی میں سے ایک ہے۔
نیہا نے کہا’’یہ ایک نہایت جذباتی، سچی اور مخلص کہانی ہے، جو کیمرہ بند ہونے کے بعد بھی طویل عرصے تک میرے ذہن اور دل میں زندہ رہی۔‘‘  انہوں نے مزید کہا کہ جب کوئی کہانی، جس پر آپ نے پورے یقین اور محبت کے ساتھ کام کیا ہو، اپنے ملک کی سرحدوں سے نکل کر دنیا بھر کے ناظرین تک پہنچتی ہے تو اس سے بڑی خوشی کسی بھی فنکار کے لیے نہیں ہو سکتی۔ ان کے مطابق سنیما کی اصل طاقت یہی ہے کہ وہ زبان اور سرحدوں کی قید سے آزاد ہو کر لوگوں کو جذبات کے ذریعے جوڑتا ہے۔

یہ بھی پڑھئے:جعفر جیکسن ول اسمتھ کے ساتھ ایکشن تھرلر ’سپر میکس‘ میں نظرآئیں گے

نیہا دھوپیا نے امید ظاہر کی کہ آئی ایف ایف ایم  میں فلم دیکھنے والے تمام ناظرین اس کہانی سے خود کو جڑا ہوا محسوس کریں گے اور اس کے جذبات کو پوری شدت سے محسوس کریں گے۔انہوں نےانڈین فلم فیسٹیول آف میلبورن کوہندوستانی سنیما کی منفرد آوازوں اور بامقصد کہانیوں کو عالمی سطح پر متعارف کرانے والا ایک اہم پلیٹ فارم قرار دیتے ہوئے کہا کہ اس معزز فیسٹیول میں ’’۵۲؍ بلیو‘‘ کی نمائش پوری ٹیم کے لیے باعثِ فخر ہے۔ انہوں نے کہا کہ وہ آسٹریلیا کے ناظرین کے ساتھ یہ تجربہ شیئر کرنے اور ان کے تاثرات جاننے کے لیے بے حد پُرجوش ہیں۔ فلم ’’۵۲؍ بلیو‘‘ کا آسٹریلوی پریمیئر اس کے بین الاقوامی فلمی سفر میں ایک اور اہم قدم ثابت ہوگا۔ نیہا دھوپیا کے لیے یہ صرف ایک پیشہ ورانہ کامیابی نہیں بلکہ ایک ایسی کہانی کو عالمی سطح پر پیش کرنے کا موقع بھی ہے، جس پر انہیں مکمل یقین اور فخر ہے۔