بالی ووڈ کے معروف اداکار رنویر سنگھ نے حال ہی میں ہندوستانی فلم انڈسٹری کے بادشاہ شاہ رخ خان کی دل کھول کر تعریف کی ہے۔

بالی ووڈ کے معروف اداکار رنویر سنگھ نے حال ہی میں ہندوستانی فلم انڈسٹری کے بادشاہ شاہ رخ خان کی دل کھول کر تعریف کی ہے۔رنویر سنگھ نےاپنے ایک حالیہ انٹرویو میں شاہ رخ خان کی بالی ووڈکیلئے خدمات کی تعریف کرتے ہوئے کہا ’’شاہ رخ خان عظیم ہیں ، انٹرٹینمنٹ انڈسٹری کو اُنہوں نے ہی بنایا ہے اور اسی وجہ سے وہ انڈسٹری کے بادشاہ ہیں۔‘‘اداکار نے شاہ رخ خان کی تعریف کرتے ہوئے ازراہِ مذاق کہا ’’اُنہوں نے جو مال بنایا ہے اس میں ہم اپنی دکان چلا رہا ہے۔ یہ سچ ہے کہ آج ہندوستانی فلم انڈسٹری جیسی نظر آتی ہے اسےایسا بنانے والے شاہ رخ خان ہیں۔‘‘اُنہوں نے مزید کہا ’’شاہ رخ خان نے انٹرٹینمنٹ کے لئے ایک خاص معیار بنادیا ہے، پھرچاہے وہ ایوارڈ شوز ہوں یا لائیو شوز۔‘ انہوںنے کہا’’ اپنے سینئر اداکار شاہ رخ خان کے لئے ان کے دل میں بہت محبت اور احترام ہے اور وہ شاہ رخ خان کو دوبارہ اسکرین پر دیکھنے کے لئے بہت بے صبری سے انتظار کررہے ہیں۔‘‘