سلمان خان کی بھانجی علیزے اگنی ہوتری کی فلم ’فرّے‘ کو شائقین نے بے حد پسند کیا۔ علیزے نے اپنے کریئرکا آغاز اس فلم سےکیا۔

سلمان خان کی بھانجی علیزے اگنی ہوتری کی فلم ’فرّے‘ کو شائقین نے بے حد پسند کیا۔ علیزے نے اپنے کریئرکا آغاز اس فلم سےکیا۔ تھیٹروں میں ہلچل پیدا کرنے کے بعد، یہ فلم اب او ٹی ٹی پر دیکھی جاسکے گی۔ اس فلم میں علیزے کے ساتھ ساحل مہتا، جین شا، پرسنا بشت اور رونیت بی رائے سمیت کئی ستارے نظر آرہے ہیں۔ 
فلم’فرّے‘ اسٹریمنگ پلیٹ فارم زی ۵؍پر اپنی او ٹی ٹی ریلیز کے لیے تیار ہے۔ زی ۵؍ نےفلم کے ورلڈ ڈیجیٹل پریمیئر کا اعلان کیا ہے۔ اس فلم کی ہدایت کاری سومیندر پادھی نےکی ہے۔ اس فلم کو سلمان خان کی بہن الویرا خان اگنی ہوتری اور ان کے بہنوئی اتل اگنی ہوتری اور نکھل نمت نےپروڈیوس کیاہے۔ جبکہ یہ فلم سلمان خان نے پیش کی ہے۔ علیزے سلمان خان کی بھانجی اور سلمان کی بہن الویرا خان اگنی ہوتری کی بیٹی ہیں۔ فلم کو شائقین نے بے حد پسند کیا۔ اس کے بعد ’فرے‘ ۵؍ اپریل کو زی ۵؍پر ریلیز ہوگی۔