’’دھرندھر‘‘ سے شہرت پانے والی سارہ ارجن ایک پرانے ویڈیو کے دوبارہ وائرل ہونے کے بعد خبروں میں ہیں، جس میں انہوں نے دپیکا پڈوکون اور عالیہ بھٹ کی تعریف کرتے ہوئے کہا کہ وہ ان سے متاثر ہیں، لیکن کسی کی نقل نہیں کرنا چاہتیں۔

سارہ ارجن ایک بار پھر سوشل میڈیا پر توجہ کا مرکز بن گئی ہیں، لیکن اس بار وجہ ان کی کوئی نئی فلم نہیں بلکہ ایک پرانا ویڈیو ہے جو حالیہ دنوں میں دوبارہ وائرل ہو گیا ہے۔ یہ ویڈیو تقریباً نو سال پہلے ریکارڈ کیا گیا تھا، جس میں کم عمر سارہ سے ان کے رول ماڈلز کے بارے میں سوال کیا گیا تھا۔ ویڈیو میں سارہ ارجن نہایت پراعتماد انداز میں دپیکا پڈوکون اور عالیہ بھٹ کی تعریف کرتی نظر آتی ہیں۔ وہ دونوں اداکاراؤں کی خوبصورتی اور اداکاری کو سراہتی ہیں، تاہم ساتھ ہی ایک اہم فرق بھی واضح کرتی ہیں۔ سارہ کے مطابق، وہ ان دونوں کو اپنا ’’انسپائریشن‘‘ مانتی ہیں، لیکن انہیں اپنا رول ماڈل نہیں سمجھتیں۔

Sara Arjun revealed that her inspirations among Hindi actresses are Alia Bhatt and Deepika Padukone, but she also said she wants to be “#SaraArjun” only ❤️#Dhurandhar #Dhurandhar2‌ #Dhurandhar‌TheRevenge #DeepikaPadukone pic.twitter.com/VmSG5LIDJg

— Aditi (@Aditi289867132) April 26, 2026

ویڈیو میں وہ صاف الفاظ میں کہتی ہیں کہ ’’میں سارہ ارجن بننا چاہتی ہوں۔‘‘ یہ مختصر مگر واضح جملہ سوشل میڈیا صارفین کے درمیان خاصی توجہ حاصل کر رہا ہے۔ بہت سے مداحوں نے اس بیان کو ایک کم عمر اداکارہ کے اندر موجود خود اعتمادی اور خود شناسی کی مثال قرار دیا ہے۔ سوشل میڈیا پر ردعمل بھی اسی تناظر میں سامنے آیا ہے، جہاں صارفین نے سارہ کی شخصیت اور انفرادیت کی تعریف کی۔ ایک صارف نے لکھا کہ ’’اتنی کم عمر میں اتنا واضح نظریہ ہونا واقعی متاثر کن ہے۔‘‘ ایک اور تبصرہ کچھ یوں تھا کہ ’’یہی چیز انہیں دوسروں سے مختلف بناتی ہے، وہ کسی کی نقل نہیں بلکہ اپنی شناخت بنانا چاہتی ہیں۔‘‘

یہ بھی پڑھئے: فلم ’’پیڈی‘‘ میں ڈانس نمبر کے لیے شروتی ہاسن کو خطیر رقم ملی

یہ ویڈیو ایسے وقت میں وائرل ہوا ہے جب سارہ ارجن حالیہ فلم ’’دھرندھر‘‘ میں اپنی اداکاری کی وجہ سے پہلے ہی خبروں میں ہیں۔ فلم میں انہوں نے یالینا جمالی کا کردار ادا کیا، جو ایک پاکستانی سیاستداں کی بیٹی ہے۔ رپورٹس کے مطابق سارہ ارجن جلد ہی لیجنڈری اداکارہ مدھوبالا کی بایوپک میں مرکزی کردار ادا کرتی نظر آ سکتی ہیں، تاہم اس حوالے سے ابھی کوئی باضابطہ اعلان سامنے نہیں آیا۔