سابق ہندوستانی کرکٹر سچن تینڈولکر کی بیٹی سارہ نے سوشل میڈیا پر ایک پاپارازی اکاؤنٹ کی جانب سے باڈی شیمنگ پر سخت ردعمل دیا ہے۔ ایک انسٹاگرام پوسٹ میں سارہ کی جسمانی سخت پر طنز کیا گیا تھا، جس پر انہوں نے اسے ’’نفرت انگیز‘‘ اور ’’درست صحافت نہیں‘‘ قرار دیا۔

سابق ہندوستانی کرکٹر اور بھارت رتن سچن تینڈولکر کی بیٹی سارہ نے سوشل میڈیا پر باڈی شیمنگ کا نشانہ بنائے جانے کے بعد سخت ردعمل دیتے ہوئے ایک پاپارازی اکاؤنٹ کو آڑے ہاتھوں لیا۔ انسٹاگرام پر شیئر کئے گئے ایک متنازع ویڈیو اور اس کے کیپشن نے سارہ کو شدید ناراض کر دیا، جس کے بعد انہوں نے کھل کر اپنی برہمی کا اظہار کیا۔ واقعہ اس وقت پیش آیا جب خود کو صحافی کہنے والے ایک پاپارازی انسٹاگرام اکاؤنٹ نے ایئرپورٹ کا ایک ویڈیو شیئر کیا۔ ویڈیو کے ساتھ لکھے گئے کیپشن میں سارہ تینڈولکر کے جسم پر طنز کرتے ہوئے کہا گیا، ’’موٹی والی سارہ ہے، بغل والی بھابھی ہے۔‘‘ ویڈیو میں جس خاتون کو ’’بھابھی‘‘ کہا گیا، وہ دراصل کاروباری شخصیت ثانیہ چندوک تھیں، جنہوں نے رواں برس مارچ میں سارہ کے چھوٹے بھائی ارجن سے شادی کی تھی۔

یہ بھی پڑھئے : جیکی شروف جین زی میں مقبول ، کہا: میں عمر نہیں، انسانیت دیکھتا ہوں

اس پوسٹ پر ردعمل ظاہر کرتے ہوئے سارہ تینڈولکر نے ویڈیو کو اپنی انسٹاگرام اسٹوری پر دوبارہ شیئر کیا اور سخت الفاظ میں لکھا، ’’آپ نفرت انگیز ہیں، یہ صحافت نہیں ہے۔ ہمیں اکیلا چھوڑ دو۔‘‘ ان کے اس ردعمل کے بعد مذکورہ پاپارازی اکاؤنٹ نے بظاہر متنازع پوسٹ ڈیلیٹ کر دی، تاہم سارہ نے معاملہ وہیں ختم نہیں ہونے دیا۔ انہوں نے اپنی پرانی اسٹوری کا اسکرین شاٹ شیئر کرتے ہوئے مزید لکھا، ’’آپ اپنی پوسٹ ڈیلیٹ کر سکتے ہیں، لیکن اس سے آپ کم نفرت انگیز نہیں ہو جاتے۔‘‘

A journalist named Tahir Jasus made a video of Sara Tendulkar at an Airport and made objectionable objectionable comment about her and her sister-in-law.

Sara Tendulkar called him out over his creepy behaviour. He has deleted that video.

People like Tahir are just not worthy of… pic.twitter.com/lZ4uUx4F3O

— Incognito (@Incognito_qfs) May 21, 2026

سارہ تینڈولکر کے اس ردعمل کو سوشل میڈیا پر کافی حمایت ملی، جہاں کئی صارفین نے پاپارازی کلچر اور خواتین کی باڈی شیمنگ کے خلاف آواز اٹھائی۔ متعدد صارفین نے کہا کہ عوامی شخصیات کو تنقید کا سامنا ضرور ہوتا ہے، لیکن ذاتی جسمانی ساخت پر تبصرے ناقابل قبول ہیں۔ سارہ تینڈولکر اگرچہ فلمی دنیا کا حصہ نہیں ہیں، تاہم وہ سوشل میڈیا پر خاصی مقبول ہیں اور مختلف سماجی و فلاحی سرگرمیوں سے بھی وابستہ ہیں۔ وہ اس وقت ’’سچن تینڈولکر فاؤنڈیشن‘‘ میں بطور ڈائریکٹر خدمات انجام دے رہی ہیں۔

یہ بھی پڑھئے : رچا چڈھا اور علی فضل ۲؍ جون کو نیوزی لینڈ کے پہلے انڈین فلم فیسٹیول کا آغاز کریں گے

اس حوالے سے سچن نے پہلے ایک پوسٹ میں بتایا تھا کہ سارہ نے یونیورسٹی کالج لندن سے کلینیکل اور پبلک ہیلتھ نیوٹریشن میں ماسٹرز کی ڈگری حاصل کی ہے۔ انہوں نے کہا تھا کہ ان کی بیٹی کھیل، صحت اور تعلیم کے شعبوں میں کام کرتے ہوئے ہندوستان کو بااختیار بنانے کے سفر پر گامزن ہے۔ فلاحی کاموں کے علاوہ سارہ ممبئی میں ’’Pilates Academy x Sara Tendulkar‘‘ کے نام سے ایک فٹنس اور پائلٹس اسٹوڈیو بھی چلا رہی ہیں۔ یہ واقعہ ایک بار پھر اس بحث کو سامنے لے آیا ہے کہ سوشل میڈیا پر مشہور شخصیات، خاص طور پر خواتین، کس طرح غیر ضروری ذاتی تبصروں اور باڈی شیمنگ کا سامنا کرتی ہیں، اور کس حد تک پاپارازی کلچر حدود پار کر چکا ہے۔