کنیڈا کے شہر سرے میں کامیڈین کپل شرما کے ’کیپس کیفے‘ میں ایک ماہ میں دوسری بار فائرنگ کے واقعے نے ہلچل مچا دی ہے۔ اس واقعے کے بعد ممبئی پولیس الرٹ موڈ پر ہے اور کپل شرما کو پولیس سیکوریٹی فراہم کرنے پر غور کر رہی ہے۔

کنیڈا کے شہر سرے میں کامیڈین کپل شرما کے ’کیپس کیفے‘ میں ایک ماہ میں دوسری بار فائرنگ کے واقعے نے ہلچل مچا دی ہے۔ اس واقعے کے بعد ممبئی پولیس الرٹ موڈ پر ہے اور کپل شرما کو پولیس سیکوریٹی فراہم کرنے پر غور کر رہی ہے۔ ممبئی پولیس کے ایک سینئر افسر نے کہا کہ ضرورت پڑنے پر کپل شرما کو سیکوریٹی دی جا سکتی ہے۔ گولڈی ڈھلن اور لارنس بشنوئی گینگ نے۷؍ اگست کو ہونے والی اس فائرنگ کی ذمہ داری قبول کی ہے۔ 
’’اگلی کارروائی ممبئی میں ہوگی‘‘
سوشل میڈیا پر وائرل ہونے والی پوسٹ میں دعویٰ کیا گیا ہے کہ یہ حملہ گولڈی ڈھلن اور لارنس بشنوئی گینگ نے کیا تھا۔ پوسٹ میں لکھا تھا، ’’ہم نے کپل کو فون کیا لیکن اس نے سُنا نہیں، اسی لئے یہ کارروائی کی گئی اگر اب بھی نہیں مانا تو اگلی کارروائی ممبئی میں ہوگی۔ ‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by Kapil Sharma (@kapilsharma)

کرائم برانچ کپل شرما سے تفتیش کرے گی
اس دھمکی نے پولیس کی پریشانی بڑھا دی ہے۔ پہلی فائرنگ کے بعد، کرائم برانچ نے کپل شرما سے پوچھ گچھ کی تھی اور یہ جاننا چاہا تھا کہ کیا انہیں گینگ کی طرف سے کوئی دھمکی یا وصولی کی کال موصول ہوئی ہے۔ کپل نے تب کہا تھا کہ ایسا کچھ نہیں ہوا۔ اب دوسرے واقعے کے بعد کرائم برانچ دوبارہ کپل سے پوچھ گچھ کرے گی اور سوشل میڈیا پوسٹ سے متعلق سوالات پوچھے گی۔ اس کے علاوہ اس بات کی بھی جانچ کی جا رہی ہے کہ کیا اس گینگ سے وابستہ لوگوں نے کپل کے گھر یا شوٹنگ سیٹ کے ارد گرد ریکی کی تھی۔ 

BIG BREAKING 🚨

Kapil Sharma`s cafe in Canada has come under GUNFIRE for the second time in a month.

Lawrence Bishnoi gang has claimed responsibility for the latest attack.

See the video pic.twitter.com/YcMJDIkh9e

— Mayank (@mayankcdp) August 7, 2025

کپل نے معاملے پر کوئی بیان نہیں دیا 
اس سے قبل جولائی میں ببر خالصہ کے ہرجیت سنگھ نے سرے میں کپل کے کیفے پر ۹؍ گولیاں چلائی تھیں۔ ہرجیت نے دعویٰ کیا تھا کہ یہ حملہ کپل کے اپنے ٹی وی شو میں نہنگ سکھوں کے لباس پر کئے گئے تبصرے کے جواب میں کیا گیا تھا۔ حملہ جمعرات کی صبح۲؍ بجے ہوا تھا، جب کیفے بند تھا، اس لئے کوئی جانی نقصان نہیں ہوا۔ سرے پولیس نے موقع پر تفتیش کی۔ کپل نے ابھی تک اس معاملے پر کوئی بیان نہیں دیا ہے۔