علی باغ میں اپنی ۶۰؍ ویں سالگرہ خاندان اور دوستوں کے ساتھ منانے کے بعد، شاہ رخ خان باندرہ واپس آئے، جہاں مداح منت کے باہر ان کی شاندار استقبال کیلئے ان کا انتظار کررہے تھے۔

علی باغ میں اپنے قریبی دوستوں اور کنبہ کے ممبروں کے ساتھ ایک شاندار پارٹی کرنے کے بعد  شاہ رخ ممبئی  لوٹ آئے۔ اداکار کی گاڑی کے ساتھ متعدد پولیس وین بھی تھیں۔
 شاہ رخ خان باندرہ پہنچ گئے 
شہر واپس آنے کے بعد، شاہ رخ خان کو باندرہ پہنچتے دیکھا گیا، جہاں ان کی رہائش گاہ، منت کے باہر بہت سارے مداح جمع  تھے، ان کے آنے کا انتظار کر رہے  تھے اور انہیں ہاتھ دکھا رہے تھے  ۔
ایس آر کے کی خصوصی مداحوں سے ملاقات کے بارے میں
 انڈیا ٹوڈے کی ایک رپورٹ کے مطابق  باندرہ کے بالگندھروا رنگمندر میں شام ۴؍ بجے  پرستاروں کی  تقریب تھی، یہ اجتماع سختی سے ان لوگوں کے لیے ہے جو خصوصی پاسز کے حامل ہیں جو منتخب فین کلبوں کے ذریعے تقسیم کیے گئے ہیں ،کوئی عام داخلہ نہیں، میڈیا کی موجودگی نہیں ہے۔ صرف شاہ رخ خان  سے محبت کرنے والے ہی    تقریب میں شامل ہوسکتے تھے۔  ذرائع کے مطابق تقریب میں کسی بھی افراتفری سے بچنے کے لیے ریڈ چلیز کے دفتر میں پاس پہلے ہی تقسیم کیے گئے۔
شاہ رخ منت کی رسم پر عمل کریں گے 
منت کے باہر بھی تیاریاں عروج پر ہیں۔ کام کے عملے کو گیٹ کے قریب بالکونی کی صفائی کرتے دیکھا گیا، جہاں ایس آر کے  ہجوم کا استقبال کرتے ہیں۔ ان کے گھر کے اندر تزئین و آرائش ابھی بھی جاری ہے، لیکن اس سے روایت ختم نہیں ہو رہی ہے۔ ایک  خبر گردش کررہی  ہے کہ باندرہ میں مداحوں سے ملنے کے بعد، وہ منت کی طرف واپس جائیں گے جو اب ہر سال ایک رسمی لمحہ ہے۔
خیال رہے کہ مارفلکس پکچرز اور ریڈ چلیز انٹرٹینمنٹ نے اپنی فلم `کنگ  کے ٹائٹل کا انکشاف شاہ رخ خان کی سالگرہ کے موقع پر شاندار انداز میں کیا، جس میں ہدایت کار سدھارتھ آنند کی جانب سے ایکشن سے بھرپور جھلک کی نقاب کشائی کی گئی۔  ۲؍نومبر جسے دنیا بھر میں سپر اسٹار کے مداحوں کی جانب سے  ایس آر کے ڈے کے طور پر منایا جاتا ہے،  زیادہ  شاندار ہو گیا ہے۔ شاہ رخ خان کی سالگرہ کے موقع  پر ہدایتکار سدھارتھ آنند نے ان کی بہت انتظار کی جانے والی فلم کنگ کے ٹائٹل ریویئل ویڈیو کی نقاب کشائی کی، جس میں اس فلم سے ایس آر کے کے لک کی نمائش کی گئی جو پٹھان کے بعد ان کے دوسرے تعاون کی نشاندہی کرتی ہے۔

یہ بھی پڑھئے:ہندوستان کا’ کنگ‘ : سدھارتھ آنند نے شاہ رخ خان کی سالگرہ پر سندیپ ریڈی وانگا پر تنقید کی

مارفلکس پکچرز اور ریڈ چلیز انٹرٹینمنٹ کی طرف سے تیار کردہکنگ  خان ۲۰۲۶ء میں ریلیز ہونے والی ہے اور ایس آر کے  کا ایک نیا تجربہ بننے کا وعدہ کرتا ہے، جس میں شاہ رخ خان نے پہلے کبھی ایسا نہیں کیا تھا - یہ یقیناً  پوری دنیا کے مداحوں کیلئے سنسنی خیز ہے۔ یہ فلم ایکشن تفریحی ہونے کا وعدہ کرتی ہے جس کا مقصد انداز، کرشمہ اور سنسنی کی نئی تعریف کرنا ہے اور اسے سدھارتھ آنند کی سب سے بڑی  فلم  قرار دیا جاتا ہے۔ اس فلم میں زبردست ایکشن پیش کئے گئے ہیں۔