کنگ خان اور بادشاہ خان سے مشہور شاہ رخ خان فلم ’پٹھان‘ میں مرکزی کردار میں نظر آنے والے ہیں

  کنگ خان اور بادشاہ خان سے مشہور شاہ رخ خان فلم ’پٹھان‘  میں مرکزی کردار میں نظر آنے والے ہیں۔شاہ رخ خان  آخری بار۲۰۱۸ء میں ریلیز فلم ’زیرو‘ میں نظر آئے تھے۔ شاہ رخ کے مداح بے صبری سے ان کی اگلی فلم کا انتظار کر رہے ہیں۔ بتایا جارہا ہے کہ یش راج فلمز اپنی ۵۰؍ ویں سالگرہ کے موقع پر فلم ’پٹھان‘ لانچ کرسکتی ہے۔ ذرائع کے حوالے سے یہ بات سامنے آئی ہے کہ فلم میں شاہ رخ خان مرکزی کردارمیں نظر آئیں گے۔ اس فلم کی ہدایت کاری فلم’وار‘ کے ہدایتکار سدھارتھ آنند کرسکتے ہیں۔ فی الحال فلم  پٹھان پر  پری پروڈکشن کا کام جاری ہے۔ کہا جاتا ہے کہ یش راج فلمز شاہ رخ خان کی ’پٹھان‘ اور سلمان خان کی ’ٹائیگر ۔۳‘  کا ایک ساتھ اعلان کرسکتے ہیں۔اس  اعلان کا ستمبر میں  امکان ہے۔