بالی ووڈ کے کنگ خان شاہ رخ خان ہدایتکار سدھارتھ آنند کی ایکشن ڈرامہ فلم سے کم بیک کر سکتے ہیں۔ شاہ رخ آخری مرتبہ ۲۰۱۸ء میں ریلیز فلم ’زیرو‘ میں نظر آئے تھے۔

 بالی ووڈ کے کنگ خان شاہ رخ خان ہدایتکار سدھارتھ آنند کی ایکشن ڈرامہ فلم  سے کم بیک کر سکتے ہیں۔ شاہ رخ آخری مرتبہ ۲۰۱۸ء میں ریلیز  فلم ’زیرو‘ میں نظر آئے تھے۔ شاہ رخ کے پرستار  ان کی اگلی فلم کا بے صبری سے انتظار کر رہے ہیں۔ ایک  عرصے سے کہا جا رہا تھا کہ شاہ رخ ، راج کمار ہیرانی کی فلم  سے کم بیک  کریں گے۔ لاک ڈاؤن کے دوران شاہ رخ خان تقریباً ۱۸؍ اسکرپٹس پر  کام کرچکے  ہیں۔ خیال  رہے کہ وہ   سدھارتھ آنند کی ایکشن ڈرامہ فلم سے  بالی ووڈ میں لوٹیں گے۔ کہا جارہا ہے کہ راج کمار ہیرانی اپنی فلم کی شوٹنگ کینیڈا  میں کرنا چاہتے تھے لیکن موجودہ عالمی بحران کورونا وائرس کی وجہ سے انہیں اس کی  اجازت نہیں ملی۔ چنانچہ انہوں  نے اپنی فلم کی شوٹنگ کی تاریخ میں توسیع کردی۔ اب شاہ رخ نے فیصلہ کیا ہے کہ وہ سدھارتھ آنند کی ایکشن ڈرامہ فلم میں کام کریں گے۔ ابھی تک فلم کی سرکاری طور پر تصدیق نہیں ہو سکی ہے۔