بالی ووڈ اداکارسنی دیول نے اپنی آنے والی فلم ’’بٹوارہ ۱۹۴۷ء‘‘ کا موازنہ اپنی بلاک بسٹر فلم ’’غدر‘‘ سے کرنے کو غلط قرار دیتے ہوئے کہا ہے کہ یہ دونوں فلمیں بالکل مختلف ہیں۔ ان کا کہنا ہے کہ ’’بٹوارہ ۱۹۴۷ء‘‘ تقسیمِ ہند کے پس منظر میں ایک جذباتی انسانی کہانی ہے، نہ کہ ’’غدر‘‘ کا تسلسل یا اس جیسی فلم۔

بالی ووڈ اداکارسنی دیول نے اپنی آنے والی فلم ’’بٹوارہ ۱۹۴۷ء‘‘ کا موازنہ اپنی بلاک بسٹر فلم ’’غدر‘‘ سے کرنے کو غلط قرار دیتے ہوئے کہا ہے کہ یہ دونوں فلمیں بالکل مختلف ہیں۔ ان کا کہنا ہے کہ ’’بٹوارہ ۱۹۴۷ء‘‘ تقسیمِ ہند کے پس منظر میں ایک جذباتی انسانی کہانی ہے، نہ کہ ’’غدر‘‘  کا تسلسل یا اس جیسی فلم۔ 

یہ بھی پڑھئے:استنبول میں محمد صلاح کا شاندار خیرمقدم، سیکڑوں مداحوں نے والہانہ استقبال کیا

فلم کے ہدایتکار راج کمار سنتوشی  نے سنی دیول کے کردار کی تعریف کرتے ہوئے کہا کہ یہ ان کے کریئر کے سب سے بہادر کرداروں میں سے ایک ہے۔ انہوں نے دعویٰ کیا کہ فلم میں سنی دیول کا کردار آئرن مین اور سپرمین دونوں سے زیادہ مضبوط اور بہادر ہے  کیونکہ وہ اپنی غیر معمولی طاقت کے بجائے انسانی ہمت، قربانی اور حوصلے کی علامت ہے۔ 
سنی دیول نے کہا کہ اگرچہ ’’غدر‘‘ اور ’’بٹوارہ۱۹۴۷ء‘‘ دونوں کی کہانی تقسیمِ ہند کے دور سے جڑی ہوئی ہے، لیکن نئی فلم کا انداز، موضوع اور جذباتی پس منظر مکمل طور پر مختلف ہے۔ انہوں نے ناظرین سے اپیل کی کہ وہ فلم کو کسی پہلے سے قائم رائے کے بغیر دیکھیں کیونکہ یہ سیاست نہیں بلکہ انسانوں، ان کے رشتوں، محبت، درد اور بچھڑنے کی کہانی بیان کرتی ہے۔ 

یہ بھی پڑھئے:دنیا کی ۵۷؍ فلمیں جنہوں نے ایک ارب ڈالر کا کاروبار کیا

سنی دیول اور راج کمار سنتوشی تقریباً تین دہائیوں بعد ایک بار پھر اس فلم کے ذریعے ساتھ کام کر رہے ہیں۔ فلم میں پریتی زنٹا، شبانہ اعظمی، علی فضل اور کرن دیول بھی اہم کرداروں میں نظر آئیں گے  جبکہ اس کی موسیقی  اے آر رحمان** نے ترتیب دی ہے۔ فلم ’’بٹوار۱۹۴۷ء‘‘  ۱۳؍ اگست ۲۰۲۶ء کو سنیما گھروں میں ریلیز ہونے والی ہے اور شائقین کو امید ہے کہ یہ فلم تقسیمِ ہند کے انسانی پہلوؤں کو ایک منفرد اور جذباتی انداز میں پیش کرے گی۔