بالی وڈ اداکارہ تاپسي پنو مزاحیہ اور تجسس سے بھرپور فلم ’لوُپ لپیٹا‘ میں کام کرنے جا رہی ہیں۔ تاپسي نے بالی ووڈ میں اپنی خاص شناخت بنا لی ہے۔

ممبئی : بالی وڈ اداکارہ تاپسي پنو مزاحیہ اور تجسس سے بھرپور فلم ’لوُپ لپیٹا‘ میں کام کرنے جا رہی ہیں۔ تاپسي نے بالی ووڈ میں اپنی خاص شناخت بنا لی ہے۔
 اس سے پہلے تاپسي کی پچھلی فلم ’سانڈ کی آنکھ‘ کافی پسند کی گئی تھی۔ جلد ہی تاپسي کی فلم ’تھپڑ‘ ریلیز ہونے والی ہے۔ اس کے ساتھ ہی تاپسي نے اپنی ایک اور فلم کا اعلان کردیا ہے۔ تاپسي نے اپنے انسٹاگرام پر اطلاع دی ہے کہ وہ اب ایک مزاحیہ او ر ایکشن سے بھرپور فلم میں کام کرنے جا رہی ہیں جس کا نام ’لوُپ لپیٹ‘ ہے۔ یہ فلم مشہور جرمن فلم ’رن لولا رن‘ ماخوذ ہوگی۔ فلم میں تاپسي کے اپوزٹ طاہر راج بھسین نظر آئیں گے۔ 
 تاپسي نے یہ خبر جاری کرتے ہوئے یہ بھی بتایا ہے کہ یہ فلم ۲۹؍ جنوری ۲۰۲۱ء کو ریلیز ہوگی جبکہ اس فلم کی شوٹنگ اپریل ۲۰۲۰ء سے شروع ہوگی۔