بالی ووڈ کے چاکلیٹی اداکار ورون دھون ’لاک ڈاؤن‘ کی وجہ سے جوہو بیچ کو مس کر رہے ہیں۔ ملک میں کورونا وائرس کی وجہ سے ہوئے ’لاک ڈاؤن‘ کی وجہ سے سبھی اپنے اپنے گھروں میں رہنے کیلئے مجبور ہیں

بالی ووڈ کے چاکلیٹی اداکار ورون دھون ’لاک ڈاؤن‘ کی وجہ سے جوہو بیچ کو مس کر رہے ہیں۔  ملک میں کورونا وائرس کی وجہ سے ہوئے ’لاک ڈاؤن‘ کی وجہ سے سبھی اپنے اپنے گھروں میں رہنے کیلئے مجبور ہیں ۔ بالی وڈ فنکار بھی شوٹنگ نہ ہونے کی وجہ سے اپنی فیملی کے ساتھ وقت گزار رہے ہیں جبکہ ورون دھون کو ’لاک ڈاؤن‘ ختم ہونے کا انتظار ہے۔ انہوں نے ایک ویڈیو شیئر کرتے ہوئے اس بات کی جانب اشارہ کیا ہے۔  ورون دھون نے انسٹا گرام پر جوہو بیچ کا ایک ویڈیو شیئر کیا ہے جس میں بیچ کا خوبصورت نظارہ دکھائی دے رہا ہے۔ اس کے ساتھ ورون نے لکھا ’’میں جوہو بیچ پر کھیلا اور میرے بچپنکا کافی حصّہ یہاں گزرا ہے اور میں باہر نہیں جا پا رہا ہوں اور نہ ہی پانی چھو پا رہا ہوں۔ مجھے یقین ہے کہ ’مدر نیچر‘ جلد سب ٹھیک کر دے گی۔‘‘ ورون دھون آخری بار فلم ’اسٹریٹ ڈانسر۔۳‘ میں دکھائی دیئے تھے ۔ اب وہ فلم ’قلی نمبر وَن‘ میں نظر آئیں گے۔ ڈیوڈ دھون کی ہدایتکاری میں بنائی گئی اس فلم میں سارہ علی خان بھی موجود ہیں۔