کرکٹ ٹیم کے سابق کپتان وراٹ کوہلی نے اپنی اہلیہ اوراداکارہ انوشکا شرما سے ہونے والی پہلی ملاقات کے بارے میں بتایا۔

 کرکٹ ٹیم کے سابق کپتان وراٹ کوہلی نے اپنی اہلیہ اوراداکارہ انوشکا شرما سے ہونے والی پہلی ملاقات کے بارے میں بتایا۔وراٹ کوہلی نے اپنے ایک انٹرویو میںانکشاف کیا کہ میری انوشکا شرما سے پہلی ملاقات۲۰۱۳ءمیںہوئی تھی جب میں دورۂ زمبابوے کے لیےکرکٹ ٹیم کا کپتان بنا تھا۔ اُنہوں نے بتایا کہ میرے منیجرنےبتایا کہ مجھے انوشکا کے ساتھ ایک اشتہار کی شوٹنگ کرنی ہے۔ اُنہوں نے اعتراف کیا کہ میں انوشکا سے پہلی ملاقات کے دوران اتنا گھبرا گیا تھا کہ میں نے پہلی ہی ملاقات میں ان سے کافی عجیب سا مذاق کردیا۔وراٹ کوہلی نے بتایا کہ گھبراہٹ کی وجہ سے، مجھےیہ احساس نہیں ہوا کہ ان کا قد کافی لمبا ہے تو جب میںنے اس ملاقات کے دوران اُنہیں ہیلز پہنے ہوئےدیکھا توکہا کہ ’’کیا آپ کو پہننے کے لیے کوئی اس سے اونچی چیز نہیں ملی؟‘‘تو انوشکا یہ سن کر چونک گئیں۔ اُنہوں نے بتایا کہ میں بہت گھبرایا ہوا تھا تو پہلی ملاقات کا آغاز کافی برا تھا لیکن پھر مجھے احساس ہواکہ انوشکا بھی ایک عام انسان ہی ہے اور پھر ہم ایک دوسرے سے بات کرنے لگے تو پتہ چلا کہ ہم دونوں میں بہت ساری باتیں یکساں ہیں۔اُنہوں نے مزید بتایا کہ اور اس طرح ہماری دوستی ہوگئی اور پھر آہستہ آہستہ ہم ایک دوسرے کو پسند بھی کرنے لگے۔وراٹ کوہلی اور انوشکا شرما کی شادی اٹلی میں۱۱؍ دسمبر۲۰۱۷ءکوہوئی اور اب تو اس جوڑی کی ایک بیٹی بھی ہے، جس کا نام ’ومیکا کوہلی‘ ہے۔