کرینہ کپور نے اپنی بہن کرشمہ کپور کے ساتھ کام نہ کرنے کی وجہ بتائی ہے۔ کرینہ کپور نے اپنے کریئر میں تقریباً سبھی بڑے فنکاروں کے ساتھ کام کیا ہے لیکن وہ اپنی بڑی بہن کرشمہ کپور کے ساتھ کبھی کسی فلم میں نہیں دکھائی دیں جبکہ ان کے پرستار انہیں ان کی بہن کرشمہ کے ساتھ دیکھنا چاہتے ہیں۔
کرشمہ کپور اور کرینہ کپور خان ۔ تصویر : آئی این این
کرینہ کپور نے اپنی بہن کرشمہ کپور کے ساتھ کام نہ کرنے کی وجہ بتائی ہے۔ کرینہ کپور نے اپنے کریئر میں تقریباً سبھی بڑے فنکاروں کے ساتھ کام کیا ہے لیکن وہ اپنی بڑی بہن کرشمہ کپور کے ساتھ کبھی کسی فلم میں نہیں دکھائی دیں جبکہ ان کے پرستار انہیں ان کی بہن کرشمہ کے ساتھ دیکھنا چاہتے ہیں۔ خیال تھا کہ ۲۰۰۱ء میں ریلیز فلم ’زبیدہ‘ کیلئے دونوں سے رابطہ کیا گیا تھا لیکن اس وقت یہ ممکن نہیں ہوپایاتھا۔ کرینہ نے بتایا کہ وہ اور کرشمہ کس وجہ سے کبھی کسی فلم میں ساتھ نظر نہیں آئیں ۔ انہوں نے بتایا کہ وہ ہمیشہ ہی سے کرشمہ کے ساتھ کام کرنا چاہتی تھیں لیکن دونوں کو ایک ہی فلم کیلئے کوئی ایسا اسکرپٹ نہیں ملا جو دونوں ہی کو پسند آئے۔ انہوں نے کہا اگر کوئی بہترین اسکرپٹ کے ساتھ آتا ہے تو وہ اس بارے میں ضرور سوچیں گی۔ کرینہ کپور جلد ہی عرفان خان، رادھیکا مدان اور دیپک ڈوبریال کے ساتھ فلم ’انگریزی میڈیم‘ میں نظر آئیں گی۔ اس کے علاوہ وہ کرن جوہر کی ملٹی اسٹارَر فلم ’تخت‘ میں دکھائی دیں گی۔ علاوہ ازیں وہ فلم ’لال سنگھ چڈھا‘ میں بھی کام کررہی ہیں۔