فلم ’’دُھرندھر‘‘ اور ’’دُھرندھر ۲‘‘ کے کریز کے درمیان، مصنف ہریندر سکّا نے یامی گوتم کے ساتھ فلم ’’رازی‘‘ کے ری میک کے امکان پر اپنی رائے دی ہے۔ یہ اس وقت سامنے آیا جب انہوں نے ہدایتکار میگھنا گلزار کی جانب سے مرکزی کردار کو پیش کرنے کے انداز پر اپنی ناراضگی ظاہر کی۔

فلم ’’دُھرندھر‘‘ اور ’’دُھرندھر ۲‘‘ کے کریز کے درمیان، مصنف ہریندر سکّا نے یامی گوتم کے ساتھ فلم ’’رازی‘‘ کے ری میک کے امکان پر اپنی رائے دی ہے۔ یہ اس وقت سامنے آیا جب انہوں نے ہدایتکار میگھنا گلزار کی جانب سے مرکزی کردار کو پیش کرنے کے انداز پر اپنی ناراضگی ظاہر کی۔
کیا ’’رازی‘‘ کا ری میک بنے گا؟
ہریندر کی پوسٹ پر جواب دیتے ہوئے ایک صارف نے تبصرہ کیا’’چلیے سر، ری میک بناتے ہیں۔ یامی اس ذمہ داری کو اٹھانے کے لیے مکمل طور پر قابل اداکارہ ہیں۔ اصل کہانی بغیر کسی رد و بدل یا جانبداری کے سب تک پہنچنی چاہیے۔ ہم GoFundMe مہم میں آپ کا ساتھ دیں گے، براہِ کرم اس پر غور کریں۔‘‘

Calling Sehmat #Raazi ranks among the top books on espionage ever written, globally. It exposes Pakistan across border, hostile forces in Bollywood & a Punjab-based criminals within.

Appointing Meghna Gulzar was my gravest misjudgment. Despite clear warnings, I failed to… pic.twitter.com/RZHxAwdmSq

— Harinder S Sikka (@sikka_harinder) March 29, 2026

یامی کے بارے میں مصنف نے کیا کہا؟
اس پر مصنف نے جواب دیا’’مجھے پیسوں کی ضرورت نہیں ہے، آپ میرا بیک گراؤنڈ چیک کر سکتے ہیں۔ لیکن آپ کی پیشکش کا شکریہ۔ واقعی، یامی ایک بہترین اداکارہ ہیں۔ ان کا  بہترین کام ابھی آنا باقی ہے۔‘‘
ایک اور صارف نے لکھاکہ ’’شاید کوئی ری میک بننے والا ہے؟‘‘ اس پر مصنف نے جواب دیا’’کوئی تبصرہ نہیں۔‘‘ مصنف کے اس جواب کے بعد افواہوں کا بازار گرم ہو گیا ہے، تاہم ابھی تک کوئی باضابطہ تصدیق نہیں ہوئی۔
میگھنا گلزار کو منتخب کرنا میری غلطی تھی :ہریندر کور سکّا
’’دُھرندھر ۲‘‘ کے کریز کے درمیان سکّا نے ایکس پر ایک پوسٹ کی، جس میں انہوں نے کتابوں کے ایک ڈھیر کی تصویر شیئر کی۔ ان کتابوں میں "An Indian Spy in Pakistan"، "Plot, Lies and Deceit: Pulwama and Balakot"، "Terrorism and Insurgency"، "Calling Sehmat"، "Mission Overseas"، "The Unending Game" اور "The Spy Chronicles" شامل تھیں۔ تصویر پر لکھا تھا کہ ’’دُھرندھر ۲‘‘ نے آپ کو کہانی کی ایک جھلک دکھائی تھی، اصل کہانی تو یہاں سے شروع ہوتی ہے۔  (رازی) دنیا بھر میں جاسوسی پر لکھی گئی بہترین کتابوں میں سے ایک ہے۔ یہ سرحد پار پاکستان کی حقیقت، بالی ووڈ میں موجود دشمن قوتوں اور ملک کے اندر پنجاب میں سرگرم مجرموں کو بے نقاب کرتی ہے۔

یہ بھی پڑھئے:انگلینڈ کے کھلاڑیوں کی توجہ کاؤنٹی کرکٹ پر نہیں ہے: ڈیرن لیہمن

انہوں نے مزید کہا’’ میگھنا گلزار کو اس پروجیکٹ کے لیے منتخب کرنا میری سب سے بڑی غلطی تھی۔ واضح انتباہات کے باوجود، میں یہ اندازہ نہیں لگا سکا کہ ان کی نظریاتی جھکاؤ کس طرح کہانی کے مرکزی کردار کی اصل روح کو کمزور کر دے گا۔‘‘

یہ بھی پڑھئے:۱۱؍دن بعد’’دُھرندھر۲‘‘ کا نیا ورژن ریلیز، آدتیہ دھر کی پیک ڈیٹیلنگ میں غلطی ہوئی تھی

سپر ہٹ رہی تھی ’’رازی‘‘
میگھنا گلزار اور عالیہ بھٹ نے ابھی تک مصنف کے ان بیانات پر کوئی ردعمل نہیں دیا ہے۔ ’’رازی‘‘ ۲۰۱۸ء میں ریلیز ہوئی تھی، جس میں عالیہ بھٹ کے ساتھ وکی کوشل اور جے دیپ اہلاوت نے بھی اداکاری کی تھی۔ اس فلم کو ناقدین اور ناظرین دونوں نے خوب سراہا تھا اور یہ تجارتی طور پر بھی سپر ہٹ ثابت ہوئی تھی۔