رنویر سنگھ کی فلم ’’دُھرندھر: دی ریونج‘‘ ریلیز سے پہلے ہی خبروں میں ہے۔ سوشل میڈیا پر وائرل ہونے والے ایک لیک اسکرین شاٹ میں یامی گوتم کے کیمیو کا اشارہ ملا ہے۔ صرف یہی نہیں بلکہ اس اشارے کے ساتھ ان کے کردار کے بارے میں بھی کچھ معلومات سامنے آئی ہیں۔

رنویر سنگھ   کی بہت زیادہ انتظار کی جانے والی فلم ’’دُھرندھر: دی ریونج‘‘ ریلیز سے پہلے ہی زبردست چرچا میں ہے۔ فلم کے ٹریلر اور ایکشن سینز کو لے کر شائقین میں پہلے ہی کافی جوش ہے، لیکن اب سوشل میڈیا پر وائرل ہونے والے ایک لیک اسکرین شاٹ نے لوگوں کا تجسس مزید بڑھا دیا ہے۔ اس کے بعد دعویٰ کیا جا رہا ہے کہ فلم میں ایک بڑا سرپرائز کیمیو ہو سکتا ہے، جس میں یامی گوتم  نظر آ سکتی ہیں، اور ان کے کردار کے بارے میں بھی بات ہو رہی ہے۔
۱۹؍ مارچ کو سنیما گھروں میں’’دُھرندھر: دی ریونج‘‘ ریلیز ہونے والی ہے اور فلم کے لیے لوگوں کا جوش مسلسل بڑھ رہا ہے۔ کافی عرصے سے فلم کے بارے میں باتیں ہو رہی ہیں اور کچھ وقت سے یہ خبریں بھی سامنے آ رہی تھیں کہیامی گوتم  بھی اس فلم کا حصہ ہوں گی۔ اب سوشل میڈیا پلیٹ فارم ایکس پر ایک صارف نے فلم کے اینڈ کریڈٹس کا ایک اسکرین شاٹ شیئر کیا ہے۔ اس اسکرین شاٹ میں  وائی جی  نام کے ابتدائی حروف نظر آ رہے ہیں، جس کے بارے میں مداحوں کا ماننا ہے کہ یہ یامی گوتم  کی طرف اشارہ ہو سکتا ہے۔

یہ بھی پڑھئے:النصر کی بڑی فتح، الہلال کی مشکل جیت

یامی کے کردار کا انکشاف
جیسے ہی یہ تصویر وائرل ہوئی، انٹرنیٹ پر بحث شروع ہو گئی اور لوگ اندازہ لگانے لگے کہ کیا واقعی یامی گوتم فلم کا حصہ ہیں۔ اس کے علاوہ  وائی جی کے آگے ڈاکٹربھی لکھا ہوا بتایا جا رہا ہے۔ اگر یہ خبر درست ثابت ہوتی ہے تو یامی گوتم فلم میں ڈاکٹر کے کردارمیں نظر آ سکتی ہیں۔ بتایا جا رہا ہے کہ ان کا سین ایک اسپتال سے جڑے اہم سیکوینس میں ہوگا، جو فلم کی کہانی میں بڑا موڑ لا سکتا ہے۔ اس سین کو کہانی کا جذباتی اور اسٹریٹجک ٹرننگ پوائنٹ بھی کہا جا رہا ہے۔

یہ بھی پڑھئے:ذاکر خان کا اسپتال سے ویڈیو وائرل، اسپتال گاؤن میں نظر آئے کامیڈین

آفیشل تصدیق نہیں
ابھی تک فلم کے میکرز یا اسٹار کاسٹ کی طرف سے اس خبر کی کوئی سرکاری تصدیق نہیں ہوئی ہے، اس لیے فی الحال اسے صرف ایک افواہ یا لیک ہی سمجھا جا رہا ہے۔ کچھ رپورٹس میں یہ بھی کہا جا رہا ہے کہ فلم میں مزید سرپرائز کیمیوز بھی ہو سکتے ہیں، جس سے کہانی اور زیادہ دلچسپ بن سکتی ہے۔ آدتیہ دھر کی ہدایت کاری میں بننے والی یہ فلم ’’دُھرندھر: دی ریونج‘‘ فرنچائز کا دوسرا حصہ ہے۔ پہلا حصہ دسمبر ۲۰۲۵ء میں ریلیز ہوا تھا اور باکس آفس پر زبردست کامیابی حاصل کی تھی۔