مستقبل کی درست پیش گوئی کرنے والی ہالی ووڈ کی ۱۰؍ فلمیں

 ماضی کی کئی فلمیں ایسی ہیں جنہوں نے مستقبل کو مکمل طور پر کمال کے ساتھ پیش کیا۔ یہ سب مصنفین اور فلم سازوں کے عمومیت سے ہٹ کر سوچنے کی وجہ سے ممکن ہوا۔ مصنفین مستقبل کی سوچ رکھنے والے تھے، وہ تفصیلات کا مشاہدہ کرتے تھے اور وقت کے ساتھ یہ ثا بت ہو گیا ہے کہ وہ پیش گوئی کرنے میں مہارت رکھتے تھے۔ ذیل مین پڑھئے ہالی ووڈ کی ۱۰؍ ایسی فلمیں جس میں مستقبل کی سو فیصد صحیح پیش گوئی کی گئی تھی۔ تمام تصاویر: آئی این این / یوٹیوب

اسپیس اوڈیسی(A Space Odyssey)ریلیز کی تاریخ: ۲۰۰۱ء: اس فلم میں آئی فون کی سری اور ویڈیو کالز کی پیش گوئی کی گئی تھی جس کا پہلے تصور بھی نہیں تھا اور دور حاضر میں ہم سب ہی اس سے واقفیت رکھتے ہیں۔ اب اسے روز مرہ زندگی میں ایک عام سی چیز سمجھا جاتا ہے۔ 

بیک ٹو دی فیوچر پارٹ ۲(Back to the Future Part 2)ریلیز کی تاریخ: ۱۹۸۹ء: اس فلم میں اڑنے والی گاڑیوں، پہنے جانے والے گیجٹز، ٹیک گلاس اوربورٹز کی پیش گوئی کی گئی تھی۔ 

یوہیوگوٹ میل (You`ve Got Mail)ریلیز کی تاریخ: ۱۹۹۸ء: جب یہ فلم آئی تو آن لائن ڈیٹنگ کا کوئی تصور ہی نہیں تھا، لیکن ٹام ہینک اور میگ رین نے اس کی کوشش کی اور آج یہ بہت مشہور ہے۔ 

ایئرپلین ٹو: دی سیکوئل (Airplane II: The Sequel)ریلیز کی تاریخ: ۱۹۸۲ء: اس فلم میں ۱۹۸۲ء میں ہوائی اڈے پر فل باڈی اسکینرز کی پیش گوئی کی گئی جو آنے والے برسوں میں تقریباً ہر ہوائی اڈے میں استعمال کیا گیا۔ 

دی کیبل گائے(The Cable Guy)ریلیز کی تاریخ: ۱۹۹۶ء: دی کیبل گائے میں انٹرنیٹ کا استعمال کرتے ہوئے سیٹیلائٹ گیمنگ کو متعارف کروایا گیا تھا۔ 

مائناریٹی رپورٹ (Minority Report)ریلیز کی تاریخ: ۲۰۰۲ء: اس فلم میں موشن سنسر گیم کی پیش گوئی کی گئی تھی جو آج کل ایکس بکس تھری ڈی میں استعمال ہوتی ہے۔ ساتھ ہی اس فلم میں منتخب صارفین تک اشتہارات پہنچانے کے خیال کو بھی پیش کیا گیاتھا۔

دی نیٹ (The Net)ریلیز کی تاریخ: ۱۹۹۵ء: جب یہ فلم بنائی گئی تب انسان کسی کی آن لائن شناخت چرانے اور استعمال کرنے کے بارے میں سوچ بھی نہیں سکتا تھا لیکن دور حاضر میں یہ ایک حقیقت ہے اور مشہور سائبر کرئم ہے اور ایسا کرنے والا سزا کا مستحق ہوتا ہے۔ 

ٹوٹل ری کال (Total Recall)ریلیز کی تاریخ: ۱۹۹۰ء: اس فلم میں ڈرائیور کے بغیر چلنے والی کار کی پیش گوئی کی گئی تھی اور ہم سب ہی یہ بات جانتے ہیں کہ بہت سی ٹیکسی فرمز ڈرائیور کے بغیر چلنے والی کار کی ٹیکنالوجی پر کام کر رہے ہیں بلکہ ایلون مسک کی کمپنی ٹیسلا نے ایسی کار متعارف بھی کرادی ہے۔ 

وار گیمز(War Games)ریلیز کی تاریخ: ۱۹۸۳ء: اس فلم میں سائبر وار فیئر اور ہیکنگ کی پیش گوئی کی گئی تھی جبکہ اس وقت لوگوں کو انٹرنیٹ تک کہ بارے میں معلومات نہیں تھی۔

فیس آف (Face/Off )ریلیز کی تاریخ: ۱۹۹۷ء: جب اس فلم کوپیش کیا گیا تب ناظرین کیلئے شاید یہ ایک مضحکہ خیز انکشاف تھا کہ کوئی کیسے کسی کا چہرہ لے سکتا ہے اور اپنا چہرہ تبدیل کرواسکتا ہےمگر دور حاضر میں یہ ایک مسلمہ حقیقت ہے۔