مانسون کے موسم میں ٹھنڈی ہوا، ہریالی اور تازگی والی جگہوں پر جانے کا ایک الگ ہی مزہ ہے۔ ما نسون کا موسم سیر کے لیے بہت اچھا ہے۔ اگر آپ بھی اس مانسون میں کہیں جانے کا سوچ رہے ہیں تو کچھ خاص جگہیں ایسی ہیں جہاں بارش میں موسم بہت خوشگوار ہو جاتا ہے اور اس موسم میں اس جگہ کی خوبصورتی اور بھی بڑھ جاتی ہے۔ تصویر: آئی این این

اسپیٹی ویلی: اسپیٹی ویلی سیاحت کا شوق رکھنے والوں کے لیے کسی جنت سے کم نہیں۔ یہاں کا موسم مئی سے اکتوبر تک دیکھنے کے لیے بہترین ہے۔ مانسون کے دوران یہاں کا موسم اور نظارے اتنے شاندار ہوتے ہیں کہ آپ کا سفر ایڈونچر اور آرام سے بھر جاتا ہے۔  

لوناؤلہ: مانسون کے دوران مہاراشٹر کے لوناؤلہ جانے کا الگ ہی مزہ ہے۔ دھند سے ڈھکی پہاڑیاں، ہری بھری وادیاں اور بارش میں بہتے جھرنے اسے مزید خوبصورت بنا دیتے ہیں۔ 

گوا: مانسون کے دوران گوا جانے کاالگ ہی مزہ ہے۔ اگر آپ سمندر کے کنارے پر امن لمحات گزارنا چاہتے ہیں اور تفریح ​​​​بھی کرنا چاہتے ہیں تو گوا بہترین متبادل ہے۔ یہاں سمندر میں تفریحی سرگرمیاں آپ کی چھٹیوں کو یادگار بناتی ہیں۔ 

اورچھا: مدھیہ پردیش میں اورچھا کی خوبصورتی بارش کے موسم میں اور بھی بڑھ جاتی ہے۔ دریائے بیتوا کے کنارے واقع یہ شہر پرانے قلعوں اور تاریخی مندروں کے لیے جانا جاتا ہے۔ یہ پرسکون اور دلچسپ جگہ مانسون میں سیر کے لیے بہترین متبادل ہو سکتی ہے۔ 

 منار: منار، کیرالا کے سب سے خوبصورت پہاڑی مقامات میں سے ایک ہے، یہ مانسون کے موسم میں اپنی ہریالی اور تازگی کے ساتھ شہریوں کو اپنی طرف متوجہ کرتا ہے۔ بارش کے موسم میں یہاں کے چائے کے باغات اور آبشاریں اسے ایک بہت ہی پر سکون جگہ بنا دیتے ہیں، جہاں آپ آرام سے فطرت سے لطف اندوز ہو سکتے ہیں۔  

 وایناڈ: کیرالا کا وایناڈ مانسون کے دوران بہت خوبصورت لگتا ہے۔ چاروں طرف پھیلی ہوئی ہریالی، مسالوں کی خوشبو اور آبشاروں کی آواز اس جگہ کو بہت پر سکون بنا دیتی ہیں۔ یہ جگہ بارش کے موسم میں دیکھنے کے لیے بہترین جگہ ہے۔ 

رانی کھیت: اتراکھنڈ میں رانی کھیت ایک پرسکون اور خوبصورت پہاڑی اسٹیشن ہے، جو خاص طور پر مانسون کے دوران اپنی ہریالی اور ٹھنڈے موسم کے لیے جانا جاتا ہے۔ یہاں دیکھنے کے لیے بہت سے قدرتی مقامات ہیں۔

شیلانگ: میگھالیہ میں واقع شیلانگ مانسون کے دوران سفر کرنے والوں کے لیے بہت خاص ہے۔ یہاں آپ مشہور تین پرتوں والےایلیفینٹ فالز اور خوبصورت اسپریڈ ایگل فالز کی ٹھنڈی بارش سے لطف اندوز ہو سکتے ہیں۔ برسات کے موسم میں ان آبشاروں کی خوبصورتی اور بھی بڑھ جاتی ہے۔