ہیم لیز صرف ایک کھلونوں کی دکان نہیں، بلکہ بچوں کی دنیا کا ایسا نام ہے جس کے ساتھ خوشی، رنگ، حیرت اور کھیل کا جادو جڑا ہوا ہے۔ دنیا بھر میں اسے ایک ایسے برانڈ کے طور پر دیکھا جاتا ہے جہاں خریداری محض لین دین نہیں رہتی، بلکہ ایک تجربہ بن جاتی ہے۔ یہی وجہ ہے کہ جب کوئی شخص ہیم لیز کا نام لیتا ہے تو ذہن میں صرف کھلونے نہیں آتے، بلکہ ایک ایسی دنیا ابھرتی ہے جہاں بچپن اپنی پوری چمک کے ساتھ سانس لیتا ہے۔

ہیم لیز کی تاریخ بہت پرانی ہے۔اس کی بنیاد ۱۷۶۰ءمیں ولیم ہیم لی نے لندن میں رکھی تھی۔ ابتدا میں یہ ایک کھلونوں کی دکان تھی، مگر وقت کے ساتھ اس نے اپنی الگ شناخت بنالی اور آج اسے دنیا کے قدیم ترین ٹوائے ریٹیلرز میں شمار کیا جاتا ہے۔ برانڈ کی سرکاری معلومات کے مطابق اس کی شروعات لندن کے ہولبورن علاقے سے ہوئی اور بعد میں یہ اپنےمشہور رجینٹ اسٹریٹ والے مقام تک پہنچا، جو آج بھی اس کی عالمی شناخت کا اہم حصہ ہے۔

ہیم لیز کی سب سے بڑی خاصیت یہ ہے کہ یہ محض چیزیں فروخت نہیں کرتا، بلکہ ’پلے ایکسپیریئنس‘یعنی کھیلنے اور محسوس کرنے کا ماحول پیدا کرتا ہے۔ اس کے اسٹورزمیں اکثر ڈیمونسٹریشن، لائیو ایکٹیویٹی، تھیم والے سیکشنز اور بچوں کو متوجہ کرنے والی پیشکشیں ہوتی ہیں۔ ریلائنس ریٹیل کے مطابق ہیم لیز اپنے صارفین کو منفرد تجربہ دینےکیلئے ٹوائے ڈیمونسٹریٹرز، دلچسپ مظاہروں اور ایونٹس کا سہارا لیتا ہے، جس کی وجہ سے یہ پورے خاندان کیلئےکشش رکھتا ہے۔ 

یہ برانڈ بنیادی طور پر کھلونوں کے شعبے سے وابستہ ہے، لیکن آج کے دور میں’گفٹنگ برانڈ‘کے طور پر بھی اس کی اہمیت کم نہیں۔ بچوں کی سالگرہ، تہوار، خصوصی مواقع، اسکول کامیابیوں اور خاندانی تقریبات کیلئے ہیم لیز ایک پسندیدہ انتخاب مانا جاتا ہے۔ اس کی وجہ یہ ہےکہ یہاں مختلف عمر کے بچوں کے لیے کھلونوں، بورڈ گیمز، پزلز، ایکشن فیگرز، ڈولز، ایجوکیشنل گیمز، سافٹ ٹوائز، کلیکٹیبل آئٹمز اور کئی عالمی برانڈز کی مصنوعات دستیاب ہوتی ہیں۔ ہیم لیز ان خاندانوں کو خاص طور پر اپیل کرتا ہے جو تحفے میں صرف چیز نہیں، بلکہ خوشی کا ایک یادگار لمحہ دینا چاہتے ہیں۔ ہیم لیز انڈیا کے مطابق اس کے پلیٹ فارم پر مختلف عالمی اور معروف کیٹیگریز کے کھلونے اور گیمز دستیاب ہیں۔

یہاں کئی قسم کے کھلونے دستیاب ہوتے ہیں جن میں  ایکشن ٹوائز اور وہیکلز، لائف اسٹائل،آرٹ اور کرافٹ، سافٹ ٹوائز، کنسٹرکشن اینڈ بلڈنگ،اسپورٹس اینڈ آئوٹ ڈور،ڈال(گڑیاں) اینڈ رول پلے،رائڈ آن اور سائیکل،گیم اینڈ پزلز،انفینٹ اینڈ پری اسکول کے زمرے شامل ہیں ۔ اس کے علاوہ یہاں عمر کی بنیاد پر بھی کھلونے دستیاب ہیں۔اس کے علاوہ برانڈ کے حساب سے اور قیمت کے حساب سے بھی کھلونے منتخب کئے جاسکتے ہیں۔

 

 

ہندوستان میں ہیم لیز کی موجودگی نے اس برانڈ کو ایک نیا وسعت بھرا بازار دیا۔ عالمی سطح پر یہ برانڈ ریلائنس ریٹیل کی ملکیت میں ہے۔ آج بھی اپنی’جادوئی‘ خریداری کی روایت کے سبب ممتاز ہے۔اگر اس کی شناخت کو ایک جملے میں سمیٹا جائے تو کہا جا سکتا ہے کہ ہیم لیز’بچوں کی خوشی کی منڈی‘ہے، جہاں تجارتی ذہانت اور تخیلاتی دنیاایک دوسرے سے ملتی ہیں۔

 

 

ممبئی میں بھی ہیم لیز کے کئی اسٹورز موجود ہیں۔ اس کے آفیشل اسٹور لوکیٹر کے مطابق ممبئی میں باندرہ کرلا کامپلکس کے جیو ورلڈ ڈرائیو،گوریگاؤں ایسٹ کے اوبرائے مال، کرلا کے فنکس مارکیٹ سٹی، لوئر پریل کے پلاڈیم مال اورمالاڈ ویسٹ کے انفنیٹی مال اور ممبئی ایئرپورٹ میں ہیم لیز کی شاخیں موجود ہیں