ہیمنت کمار نے پہلے ادب میں اپنی شناخت قائم کی لیکن۱۹۳۰ء کے آخر تک انہیں موسیقی سے لگاؤ ہوگیا

فلمی دنیا کو اپنی سریلی موسیقی سے آراستہ کرنے والے عظیم موسیقار اور گلوکار ہیمنت کمار مکھوپادھیائے عرف ہیمنت دا کے نغمے آج بھی فضاؤں میں گونجتے ہوئے محسوس ہوتے ہیں۔بنارس میں۱۶؍ جون۱۹۲۰ء کو پیدا ہوئے۔  ابتدائی تعلیم کلکتہ کے مترا انسٹی ٹیوٹ سے حاصل کی۔ انٹر کا امتحان پاس کرنے کے بعد ہیمنت کمار نے جادو پور یونیورسٹی میں انجینئرنگ میں داخلہ لے لیا لیکن کچھ عرصے بعد ہیمنت کمار نے اپنی انجینئرنگ کی پڑھائی چھوڑ دی کیونکہ اس وقت ان کا رجحان موسیقی کی جانب  ہو گیا تھا اور وہ موسیقار بننے کا خواب دیکھ رہے تھے۔اس دوران ہیمنت کمار نے ادب کی دنیا میں بھی اپنی شناخت قائم کی اور ایک بنگالی میگزین ’دیش‘ میں ان کی ایک کہانی بھی شائع ہوئی لیکن۱۹۳۰ء کے آخر تک ہیمنت کمار نے اپنی پوری توجہ موسیقی کی جانب لگانی شروع کر دی۔ اپنے بچپن کے دوست سبھاش کی مدد سے۱۹۳۰ء میں ہیمنت کمار کو آکاش وانی کیلئے اپنا پہلا بنگلہ گیت گانے کا موقع ملا۔ ہیمنت کمار نے موسیقی کی اپنی ابتدائی تعلیم ایک بنگلہ موسیقار شیلیش دت گپتا سے حاصل کی۔ ہیمنت کمار نے استاد فياض خان سے ساشتریہ موسیقی کی تعلیم بھی حاصل کی۔ پھر زندگی میں کئی موڑ آئے  ۔ ۱۹۵۴ءمیں ہیمنت کمار کے موسیقی سے آراستہ فلم `ناگن کی کامیابی کے بعد انہیں شہرت ملی۔ فلم `ناگن کا ایک گیت `من ڈولے میرا تن ڈولے آج بھی کافی مقبول ہے۔ اس فلم کیلئے ہیمنت کمار بہترین موسیقار کے فلم فیئر ایوارڈ سے بھی نوازا گیا۔ ۱۹۵۹ءمیں ہیمنت کمار نے فلمسازی کے شعبے میں بھی قدم رکھا اور همنتا بیلا پروڈکشن نام کی فلم کمپنی قائم کی جس کے بینر تلے مرنال سین کی ہدایت میں ایک بنگلہ فلم `نیل اكاشیر نیچےبنائی گئی۔ اس فلم کو پریسیڈنٹ گولڈ میڈل دیا گیا۔ اس کے بعد ہیمنت کمار نے اپنے بینر تلے `بیس سال بعد ،دھند، `بی بی اور مکان، `فرار، `راہگیر اور `خاموشی جیسی کئی ہندی فلموں کا پروڈکشن کیا۔۱۹۷۱ء میں ہیمنت کمار نے ایک بنگلہ فلم `انندتا کی ہدایت کاری بھی کی لیکن یہ فلم باکس آفس پر بری طرح ناکام ثابت ہوئی۔۱۹۷۹ء میں ہیمنت کمار نے چالیس اور پچاس کی دہائی میں سلیل چودھری کی موسیقی میں گائے گئے گانوں کو دوبارہ ریکارڈ کرایا اور اسے `لیجنڈ آف گلوری۲؍ کے طور پر جاری کیا اور یہ البم کامیاب بھی رہا۔۱۹۸۹ء  میںہیمنت کمار بنگلہ دیش کے ڈھاکہ شہر میں مائیکل مدھوسودھن ایوارڈ لینے گئے جہاں انہوں نے ایک کنسرٹ میں بھی حصہ لیا۔ تقریب کے اختتام کے بعد ہندوستان  لوٹنے کے بعد انہیں دل کا دورہ پڑا  جس کے بعد ہیمنت کمار۲۶؍ ستمبر ۱۹۸۹ء کوانتقال کرگئے ۔