عنقریب شادیوں کا سیزن شروع ہونے والا ہے اور سونے کے زیورات چونکہ خاص تقریبات میں بناؤ سنگھار کا اہم حصہ ہوتے ہیں اسی لئے شادیوں کا سیزن شروع ہونے سے قبل ان کی صفائی پر خاص توجہ دی جاتی ہے۔

عنقریب شادیوں کا سیزن شروع ہونے والا ہے اور سونے کے زیورات چونکہ خاص تقریبات میں بناؤ سنگھار کا اہم حصہ ہوتے ہیں اسی لئے شادیوں کا سیزن شروع ہونے سے قبل ان کی صفائی پر خاص توجہ دی جاتی ہے۔ انہیں بہت خاص طریقے سے سنبھالنے کی ضرورت ہوتی ہے، چمک کو برقرار رکھنے کیلئے وقتاً فوقتاً زیورات کو صاف کیا جاتا ہے۔ بیشتر خواتین زیورات کی صفائی کیلئے گھریلو نسخے آزماتی ہیں۔ تاہم، چند باتوں کا خیال رکھنا بھی بہت ضروری ہے۔ درج ذیل چیزیں آپ کے زیورات کو چمکانے سے زیادہ ان کے معیار میں خرابی کا باعث بنتی ہیں:

(۱)ٹوتھ پیسٹ

زیورات کی صفائی کے لئے سب سے زیادہ تجویز کردہ گھریلو نسخوں میں سے ایک ٹوتھ پیسٹ کا استعمال ہے۔ ٹوتھ پیسٹ کا استعمال زیورات کی چمک اور معیار کو خراب کرسکتا ہے۔ یہ زیورات پر نصب قیمتی پتھروں کو بھی خراب کر سکتا ہے۔

یہ بھی پڑھئے:صحتمند زندگی کے سادہ مگر مؤثر اصول

(۲)بیکنگ سوڈا

زیورات کو صاف کرنے کے لئے کبھی بھی بیکنگ سوڈا استعمال نہ کریں۔ بیکنگ سوڈا فطرت میں انتہائی الکلائن ہے۔ تیزابی مادوں کی طرح الکلائن مواد زیورات کو بھی خراب کرسکتا ہے۔

(۳)لیموں کا رس

لیموں کے رس اور سرکے کو اکثر صفائی اور چیزوں کی چمک کو برقرار رکھنے کیلئے استعمال کیا جاتا ہے۔ لیکن لیموں زیورات کی صفائی کیلئے کسی صورت ٹھیک نہیں ہے۔ لیموں اور سرکہ بھی انتہائی تیزابی ہونے کے باعث زیورات کے لئے نقصاندہ ہوسکتے ہیں۔

(۴)بلیچ

اپنے زیورات کی صفائی کیلئے بلیچ کو کسی صورت استعمال نہ کریں۔ بلیچ چونکہ سخت فطرت رکھتا ہے اس لئے یہ زیورات پر قیمتی پتھر اور دھات کو نقصان پہنچا سکتا ہے۔

بہتر ہوگا کہ گرم پانی اور ڈش لیکویڈ سے صاف کریں یا پروفیشنلز سے دھلوائیں۔